यूजीसी नेट परीक्षेत ५२ हजार उमेदवार यशस्वी

परीक्षेत नोंदणी केलेल्या उमेदवारांची संख्या- १२ लाख ६६ हजार ५०९

दोन्ही पेपरमध्ये उमेदवारांची संख्या- ६ लाख ७१ हजार २८८

फक्त असिस्टंट प्रोफेसरसाठी पात्र उमेदवारांची संख्या- ४३ हजार ७३०

जेआरएफ आणि सहाय्यक प्राध्यापक पदासाठी पात्र उमेदवार – ९१२७

सेंट्रल बँक ऑफ इंडियामध्ये भरती, जाणून घ्या तपशील
नॅशनल टेस्टिंग एजन्सीने अलीकडेच यूजीसी नेट परीक्षा डिसेंबर २०२० आणि जून २०२१ चे निकाल अधिकृत वेबसाइट ugcnet.nta.nic.in वर जाहीर केले आहेत. ही परीक्षा एनटीएद्वारे देशभरातील २३९ शहरांमधील ८३७ केंद्रांवर १८ दिवसामध्ये ३ टप्प्यांत घेण्यात आली.

त्यानुसार पहिला टप्पा २० नोव्हेंबर २०२१ ते ५ डिसेंबर २०२१ या कालावधीत घेण्यात आला. दुसऱ्या टप्प्यातील परीक्षा २४ डिसेंबर ते २७ डिसेंबर २०२१ या कालावधीत घेण्यात आली. याशिवाय, तिसरा टप्पा ४ जानेवारी ते ५ जानेवारी २०२२ दरम्यान आयोजित करण्यात आला होता.

रत्नागिरी जिल्हा परिषदेत भरती, ७० हजार रुपयांपर्यंत मिळेल पगार
यूजीसी नेट डिसेंबर २०२० आणि जून २०२१ सत्र परीक्षा एनटीएने करोना प्रादुर्भावामुळे विलंबाने आयोजित केल्या होत्या. एजन्सीने २० नोव्हेंबर २०२१ ते ५ जानेवारी २०२२ या कालावधीत दोन्ही सत्रांच्या परीक्षा तीन टप्प्यांत घेतल्या होत्या.

एनटीएकडून मिळेल प्रमाणपत्र
परीक्षेमध्ये उत्तीर्ण झालेल्या सर्व उमेदवारांना राष्ट्रीय पात्रता चाचणी प्रमाणपत्र जारी केले जाईल. उमेदवार विविध ज्युनिअर रिसर्च फेलोशिप (JRF) किंवा विद्यापीठे किंवा इतर उच्च शिक्षण संस्थांमधील रिक्त पदांसाठी त्यांच्या संबंधित विषयातील यूजीसी नेट प्रमाणपत्राद्वारे अर्ज करू शकतील.
संरक्षण मंत्रालयात दहावी-बारावी उत्तीर्ण असणाऱ्यांना नोकरीची संधी
RBI Recruitment: रिझर्व्ह बँक ऑफ इंडियामध्ये विविध पदांची भरती