UGC NET निकालासंदर्भात यूजीसीकडून अधिकृत अपडेट, जाणून घ्या

UGC NET Result date: निकालाचा तपशील
यूजीसीने जारी केलेल्या सूचनेनुसार, यूजीसी नेटचा निकाल १७ किंवा १८ फेब्रुवारी २०२२ रोजी जाहीर केला जाणार आहे. नॅशनल एलिजिबिलिटी टेस्ट (नेट) च्या निकालाबाबत यूजीसी आणि एनटीए वेगाने एकत्र काम करत असल्याचे यूजीसीचे अध्यक्ष प्रोफेसर एम जगदेश कुमार यांनी म्हटले आहे. येत्या एक ते दोन दिवसांत यूजीसी नेटचा निकाल लागावा, यासाठी सर्वतोपरी प्रयत्न केले जात असल्याचे ते म्हणाले. प्रा. एम जगदेश कुमार यांनी काही दिवसांपूर्वी यूजीसीचे नवे अध्यक्ष म्हणून पदभार स्वीकारला आहे. याआधी ते जवाहरलाल नेहरू विद्यापीठाचे (JNU) कुलगुरू होते.

यूजीसी नेट परीक्षा कधी झाली?
करोना प्रादुर्भावामुळे यूजीसी नेट डिसेंबर २०२० आणि यूजीसी नेट जून २०२१ या दोन्ही परीक्षा त्यांच्या पूर्व नियोजित वेळेवर होऊ शकल्या नाहीत. नोव्हेंबर २०२१ ते जानेवारी २०२२ या कालावधीत दोन्ही सायकलच्या परीक्षा एकाच वेळी घेण्यात आल्या. एनटीएने २० नोव्हेंबर २०२१ ते ५ जानेवारी २०२२ या कालावधीत परीक्षा आयोजित करण्यात आल्या. यूजीसी नेट परीक्षा देशातील २३९ शहरांमधील ८३७ केंद्रांवर एकूण ८१ विषयांसाठी घेण्यात आली होती. यूजीसी नेट परीक्षेसाठी १२ लाखांहून अधिक उमेदवारांनी नोंदणी केली होती. परीक्षेला बसलेले उमेदवार निकाल जाहीर झाल्यानंतर ugcnet.nta.nic.in वर भेट देऊन त्यांचा निकाल पाहू शकतील.

TCS Recruitment 2022: टाटा कन्सल्टन्सी सर्व्हिसेसमध्ये विविध पदांची भरती

RBI Recruitment: रिझर्व्ह बँक ऑफ इंडियामध्ये विविध पदांची भरती
एनटीएकडून मिळेल प्रमाणपत्र
परीक्षेमध्ये उत्तीर्ण झालेल्या सर्व उमेदवारांना राष्ट्रीय पात्रता चाचणी प्रमाणपत्र जारी केले जाईल. उमेदवार विविध ज्युनिअर रिसर्च फेलोशिप (JRF) किंवा विद्यापीठे किंवा इतर उच्च शिक्षण संस्थांमधील रिक्त पदांसाठी त्यांच्या संबंधित विषयातील यूजीसी नेट प्रमाणपत्राद्वारे अर्ज करू शकतील.

अधिकृत वेबसाइटवर जाण्यासाठी येथे क्लिक करा

इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार
कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार