UGC कडून ९०० कॉलेजना ऑनलाईन डिग्री कोर्स शिकविण्यास परवानगी

ऑनलाइन पदवी अभ्यासक्रमांद्वारे विद्यार्थी दूरस्थ पदवी मिळवू शकतात. विद्यार्थ्यांना शिकण्याची संधी मिळावी यासाठी यूजीसीकडून हा निर्णय घेण्यात आला आहे. ही कॉलेज नॅशनल इन्स्टिट्यूशनल रँकिंग फ्रेमवर्क (National Institutional Ranking Framework, NIRF) रँकिंगमध्ये दोनदा आपल्या संबंधित विषयात टॉप १०० रँक मिळवत आहेत.

सध्या विद्यापीठांना ऑनलाइन अभ्यासक्रमांद्वारे दूरस्थ पदवी देण्याची परवानगी देण्यात आली आहे. यूजीसीच्या या नवीन आदेशामुळे साधारण ९०० महाविद्यालये देखील ऑनलाइन अभ्यासक्रमांद्वारे पदवी देऊ शकणार आहेत. त्यासाठी डिजिटल एज्युकेशन मिशनला(digital education mission) चालना देण्याचे काम केले जाणार आहे. ऑनलाइन डिग्री देणाऱ्या महाविद्यालयांना यूजीसीने जारी केलेल्या नियमांचे आणि मार्गदर्शक तत्त्वांचे पालन करणे आवश्यक आहे.

Virtual Learning: आभासी शिक्षण विद्यार्थ्यांना प्रादेशिक भाषांत मिळण्याची गरज

ऑनलाइन पदवी अभ्यासक्रम हा पारंपारिक पदवी अभ्यासक्रमांपेक्षा पूर्णपणे वेगळा आहे. ऑनलाइन अभ्यासक्रम शिकण्याच्या पद्धती देखील खूप भिन्न असणार आहेत. दूरस्थ अभ्यासक्रम कुठुनही शिकता येईल आणि त्यात बरेच पर्याय असतील. यासाठी यूजीसीकडून मार्च २०२२ पर्यंत तपशील शेअर केला जाणार आहे. ऑनलाइन अंडर ग्रॅज्युएट कोर्सेसमध्ये सहभागी होण्यासाठी विद्यार्थ्यांना बारावी उत्तीर्ण असणे आवश्यक आहे. तसेच पदव्युत्तर अभ्यासक्रमांमध्ये सहभागी होण्यासाठी उमेदवारांना पदवी अभ्यासक्रम उत्तीर्ण होणे आवश्यक आहे.

Bank Job 2022: महाराष्ट्र स्टेट को-ऑपरेटिव्ह बँकेत भरती
CISF मध्ये बारावी पास असणाऱ्यांना संधी, ६९ हजारपर्यंत मिळेल पगार
ऑनलाइन कोर्स
करोनामुळे शिक्षण क्षेत्रात मोठे बदल झाले आहेत. येथे शिकविण्यासोबतच, शिक्षण घेतानाचे वातावरण बदलले आहे. शाळा आणि महाविद्यालयात दररोज बसने प्रवास करण्याचे दिवस मागे पडत आहेत. आता विद्यार्थ्यांना ऑनलाइन माध्यमातून पदवी पूर्ण करता येणार आहे. ऑनलाइन अभ्यासक्रम सुरू करण्यासाठी विद्यापीठ अनुदान आयोगाची पूर्वपरवानगी घेणे आवश्यक नाही, असे यूजीसीने याआधी स्पष्ट केले आहे. नॅकवर ३.२६ गुण असलेली महाविद्यालये ऑनलाइन पदवी अभ्यासक्रम शिकवू शकतात.

इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार