ट्रॅड वाईफ म्हणजे काय? काय आहे हा नवा ट्रेंड तुम्हाला माहीत आहे का

ट्रॅड वाईफ ट्रेंडची माहिती

ट्रॅड वाईफ कोण आहे?

Trad Wife अर्थात पारंपरिक अशी पत्नी. घरातील जबाबदारी पेलणारी आणि जिला घरातील कामे करायला अधिक आवडतात आणि घर सांभाळायला आवडते अशी पत्नी. यालाच ट्रॅड वाईफ असे म्हटले जाते. विदेशात हा ट्रेंड आता पुन्हा सुरू झालेला दिसून येतोय.

Trad Wife चे वैशिष्ट्य

५० व्या दशकातील अशी पत्नी जिला स्वयंपाकघरात काम करायला आवडते आणि घर सांभाळायला आवडते. मुलांना सांभाळून घर व्यवस्थित राखणे आणि आपल्या पतीसह आनंदाने राहणे हा एकमेव अशा पत्नीचा उद्देश दिसून येतो.

(वाचा – Couple Games जे तुमच्या नात्यात आणतील अधिक जवळीक, नातं टिकविण्यासाठी तुम्हीही घ्या या गेम्सची मदत)

Happy Homemaker

घर सांभाळणारी आनंदी गृहिणी अशी याची संकल्पना असून सध्या मुलांना दोन्ही पालकांचा वेळ मिळत नाही. त्यामुळे किमान आईचा अधिक वेळ त्याला मिळावा यामधून ही संकल्पना उदयाला आली असावी असं दिसून येतंय. घरात आनंदाने वेळ घालवणारी आणि आपल्या कुटुंबासाठी वेळ देणारी आई, पत्नी अशी ही संकल्पना पुन्हा एकदा ट्रेंडमध्ये येतेय. अशा महिलेचे करिअर हे घराच्या अवतीभोवतीच घडताना दिसून येतेय.

(वाचा – Kangana Ranaut Birthday: अफेअर, ई-मेल आणि लिगल नोटीस, कंगना आणि हृतिकच्या नात्याचा झाला होता नाट्यमय शेवट)

अनेक महिलांना व्हायचे आहे Trad Wife

अनेक महिला सध्या या ट्रेंडला पाठिंबा देत असल्याचे दिसून येत आहे. काही ठिकाणी पश्चिमी देशांमध्ये यावरून दोन गट पडल्याचेही सोशल मीडियावर दिसून आले आहे. मात्र अनेक महिलांना आपल्या मुलांसाठी Trad Wife व्हायचे आहे. यामध्ये लाजण्यासारखे काहीही नसून अभिमानाची गोष्ट असल्याचेही अनेक महिलांना वाटतेय.

(वाचा – धर्माची मर्यादा ओलांडून लिव्ह इन मध्येही राहिले, ४१ वर्षांचा रत्ना-नसिरूद्धीन शाहचा संसार देतोय नव्या पिढीला प्रेरणा )

महिला का देत आहेत Trad Wife ट्रेंडला पाठिंबा

ऑफिस आणि घर या दोन्ही गोष्टी सांभाळणे आणि होणारी कसरत यामुळे महिलांना सगळेच गृहीत धरताना केवळ भारतातच नाही तर अन्य देशांमध्येही दिसून येत आहे. मात्र भारतात हे प्रमाण अधिक दिसते. या गोष्टींमुळेच किमान एका गोष्टीत योग्य जबाबदारी घेऊन ती अधिक चांगली पार पाडता येईल म्हणून Trad Wife च्या संकल्पनेला अनेक महिलांचा पाठिंबा दिसून येतोय.

पश्चिमी देशातील ट्रेंड

पश्चिमी देशात तर अनेक महिला रील्स आणि फोटो पोस्ट करून आपण या Trad Wife ट्रेंडमध्ये अधिक आनंदी असल्याचे सध्या पोस्ट करताना दिसून येत आहेत. आपल्या होममेकर होणे अधिक आवडत असल्याचेही अनेक महिलांनी म्हटले आहे.

तुमची आवड महत्त्वाची

मात्र या Trad Wife ट्रेंडमध्ये तुमची आवड आणि निवड महत्त्वाची ठरते. प्रत्येक महिलेला कोणती लाइफस्टाइल अधिक आवडतेय आणि ती कोणत्या गोष्टीची निवड करतेय हे महत्त्वाचे आहे. करिअर अथवा घर सांभाळणे अथवा या दोन्ही गोष्टी संतुलितरित्या सांभाळणे हे सर्वस्वी महिलांवर अवलंबून आहे.
मात्र काही ठिकाणी पुन्हा आपण प्रगतीकडून अधोगतीकडे जात आहोत अशा गोष्टींवर ठाम आहेत. पण हे सर्वस्वी मत महिलांचे आपले स्वतःचे असू शकते हे विसरून चालणार नाही.