Tinder वर आता ३० ते ४९ वयोगटातील लोकांसाठी चार्ज कमी होणार

डेटिंग अ‍ॅप टिंडरने घोषणा केली आहे की ते या वर्षाच्या दुसऱ्या तिमाहीच्या अखेरीस टिंडर+ वापरण्यासाठी टिंडरच्या जुन्या युजर्सकडून अधिक शुल्क आकारणे थांबवणार आहे. दरम्यान, Mozilla & Consumer International च्या अहवालात असे दिसून आले आहे की, ऑनलाइन डेटिंग प्लॅटफॉर्मने ३० ते ४९ वयोगटातील युजर्सकडून ब्राझील वगळता प्रत्येक देशातील तरुण युजर्सपेक्षा सरासरी ६५.३ % जास्त शुल्क आकारले. त्यानंतरच डेटिंग अ‍ॅपचा हा निर्णय आला आहे.

टिंडरने एका ब्लॉगपोस्टमध्ये म्हटले आहे की, शाळेत असताना किंवा त्यांच्या करिअरच्या सुरुवातीच्या काळात टिंडरला परवडण्याजोगे बनवण्यासाठी त्यांनी आपल्या तरुण युजर्सना वेगवेगळ्या दरांमध्ये सब्सक्रिप्शन सादर केली. तसेच, अ‍ॅप पूर्णपणे वयानुसार चार्ज करण्याचा विचार करत आहे.

डेटिंग अ‍ॅपनुसार, गेल्या वर्षी आम्ही यूएस ऑस्ट्रेलिया आणि अगदी अलीकडे यूकेमध्ये तरुण सदस्यांसाठी कमी किमती ऑफर करणे बंद केले. या वर्षाच्या दुस-या तिमाहीच्या अखेरीस सर्व बाजारांमधील सर्व सदस्यांसाठी वयावर आधारित किंमत काढून टाकेल, असे नुकतेच जाहीर केले.

ऑनलाइन डेटिंग प्लॅटफॉर्म सदस्यत्वाचे तीन स्तर (टिंडर प्लस, टिंडर गोल्ड आणि टिंडर प्लॅटिनम) आणि सुपर लाईक्स आणि बूस्ट सारख्या ला कार्टे फीचर्स ऑफर करतो. २०२२ मध्ये, कंपनीला कार्टे आधारावर ‘सी हू लाइक यू’ आणि ‘पासपोर्ट’ ची फीचर्स ऑफर करण्याच्या मार्गांची चाचणी करत आहे.

टिंडर कॉईन सुरू करण्याची योजना
टिंडरने आपल्या ब्लॉग पोस्टमध्ये असेही म्हटले आहे की, सदस्यांना कॉईनचे संयोजन आणि कार्टे फीचर्सचा विस्तारित सेट सादर करण्याची त्यांची योजना आहे. जे त्यांच्या गरजा पूर्ण करेल आणि ते फक्त काही बाजारपेठांसाठी उपलब्ध आहे. कंपनी तिसर्‍या तिमाहीत जगभरात लॉंच करण्याचा विचार करत आहे.

The post Tinder वर आता ३० ते ४९ वयोगटातील लोकांसाठी चार्ज कमी होणार appeared first on Loksatta.

Source link