MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
प्रेयसी वा प्रियकरच नाही तर नवरा आणि बायको सुद्धा या दिवशी आपल्या जोडीदाराला गुलाब देऊन आपल्या मनातील भावना व्यक्त करतात. तुम्हा वाचकांपैकी देखील बरेच जण हा दिवस साजरा करणार असालच, पण मंडळी आपल्या जोडीदाराला गुलाब देण्याआधी तुम्हाला गुलाबाचे रंगानुसार वेगवेगळे अर्थ माहित असणे खूप महत्त्वाचे आहे. तुम्ही ज्या रंगाचा गुलाब देता त्यानुसार त्या व्यक्तीबद्दलच्या तुमच्या मनात असलेल्या भावना प्रतीत होत असतात. रंग चुकला तर त्याचा अर्थही चुकू शकतो आणि तुमच्या भावना त्या व्यक्तीपर्यंत पोहचू शकत नाहीत. (फोटो सौजन्य :- iStock, freepik.com)
लाल गुलाब
जर तुम्हाला तुमच्या जोडीदारापर्यंत वा तुम्हाला जी व्यक्ती आवडते तिच्यापर्यंत तुमचे प्रेम पोहोचवायचे असेलं तर तुम्ही रोझ डे च्या दिवशी त्या व्यक्तीला लाल रंगाचा गुलाब द्यायला हवा. लाल रंगाचा गुलाब हा प्रेमाचे प्रतिक म्हणूनच ओळखला जातो आणि जेव्हा तुम्ही एखाद्या व्यक्तीला लाल रंगाचा गुलाब देता तेव्हा त्यातून तुमचे त्या व्यक्तीवर असणारे नितांत प्रेमच दिसून येते.
(वाचा :- लग्न नाही प्रेमावर विश्वास ठेवला अन् श्रद्धाच्या शरीराचे झाले 35 तुकडे, प्रेमात बुडालेल्यांनो जागे व्हा कारण..
पिवळा गुलाब
अनेक जण रोझ डे च्या दिवशी पिवळ्या रंगाचे गुलाब देखील देतात. याचा अर्थ काय? तर मंडळी हे गुलाब म्हणजे मैत्रीचे गुलाब आहे. हे गुलाब देण्यामागे खास असा अर्थ दडला असतो की तुम्हाला त्या व्यक्तीशी मैत्री करायची आहे.. ज्या व्यक्तीशी मैत्री करण्याची तुमची इच्छा आहे त्या व्यक्तीला पिवळ्या रंगाचे गुलाब देऊन माझ्याशी मैत्री करू शकता का का अशी विचारणा करु शकता. जर समोरच्या व्यक्तीने तुमचे गुलाब स्वीकारले तर त्या व्यक्तीला तुमची मैत्री मान्य आहे असा त्याचा अर्थ असतो.
(वाचा :- आमिर खान, सामंथा, मानसी नाईक मोठमोठ्या कलाकारांचे लग्न ठरले फेल, यातून धडा घेऊन या 5 चुकांकडे करू नका दुर्लक्ष)
केशरी गुलाब
बाजारात उपलब्ध असेल्या केशी गुलाबाला देखील व्हेलेंटाईन विक मध्ये रोझ डे च्या दिवशी खूप मागणी असते आणि एका खास अर्थासाठी हा गुलाब दिला जातो. एखाद्या व्यक्तीबाबत असलेली महत्त्वकांक्षा तुम्ही केशरी रंगाच्या फुलातून व्यक्त करू शकता. हे गुलाब सहसा प्रेमासाठी नाही तर आदराच्या भावनेने दिले जाते. म्हणजे तुम्हाला आयुष्यात मार्गदर्शन करणाऱ्या व्यक्तींना तुम्ही केशरी रंगाचे फुल देऊ शकता. तुम्हाला त्यांच्याकडून ज्या गोष्टी शिकायला मिळत आहेय त्याबद्दलची तुमची कृतज्ञता तुम्ही यातून व्यक्त करू शकता.
(वाचा :- फेसबुकवर मैत्री अन् त्याने केलं थेट प्रपोजच, मी नाही म्हटलं..पण पुढे जे घडलं ते स्वप्नातही विचार न करण्यासारखं)
गुलाबी गुलाब
प्रेम आणि मैत्री यामधील सीम दर्शवणारे गुलाब म्हणजे गुलाबी रंगाचे गुलाब होय. म्हणजे आपल्याला एखादी व्यक्ती आवडत असते पण आपण प्रेमाच्या दुनियेत तिच्यासिबत जायला तयार आहोत का याबद्दल अजून खात्रीशीर नसतो तेव्हा ह्या रंगाचे गुलाब दिले जाते. एखाद्या व्यक्तीबाबत तुमच्या मनात प्रेमाची भावना नसेल पण त्या व्यक्तीबाबत अजून जाणून घेण्याची तुमची इच्छा असेल तर तुम्ही त्याला गुलाबी रंगाचे फुल देऊ शकता. साधारणपणे तरुणींना गुलाबी रंग हा खूप जास्त आवडतो. शिवाय पहिल्यांदा डेटवर जाताना एखाद्याला गुलाबी रंगाचे फुल देणं चांगले लक्षण मानले जातं. लगेचच पहिल्या भेटीत लाल रंगाचे गुलाब देऊन आपल्या भावना व्यक्त करण्यापेक्षा स्टेट बाय स्टेप प्रेमापर्यंत पोहोचणे कधीही चांगलेच नाही का?
(वाचा :- या 5 प्रकारच्या मुलांवर अक्षरश: वेड्यासारखं प्रेम करते बायको,नवरा म्हणेल तिच त्यांच्यासाठी पूर्व व पश्चिम दिशा)
पांढरा गुलाब
तुम्हाला तर माहित आहेच की पांढरा रंग हा शांततेचे प्रतीक म्हणून ओळखला जातो. तुमचे एखाद्या व्यक्तीशी भांडण, वाद किंवा कोणताही गैरसमज झाला असेल आणि तुम्हाला हे प्रकरण संपवायचे असेल तर तुम्ही पांढऱ्या रंगाचे गुलाब देऊन विषय संपवू शकता. तुम्हाला तुमच्या नात्यातील वाद संपवायचा असल्यास पांढऱ्या रंगाचे गुलाब देऊन तुम्ही पुन्हा एकदा पॅच अप करु शकता. कारण पांढरा रंग हा क्षमा भावनेचे प्रतीक आहे.
(वाचा :- नणंदेवर प्रेम जडलं म्हणून जगाला दाखवण्यापुरतं केलं नव-याशी लग्न, पण पुढे जे झालं ते अक्षरश: हादरवून सोडणारं..!)
