राखीचा पती आदिल दुर्रानीला पोलिसांनी केली अटक

Rakhi sawant-Adil Khan Durrani : अभिनेत्री राखी सावंतचा (Rakhi Sawant) पती आदिल दुर्रानीला (Adil Durrani)  ओशिवरा पोलिसांनी (Oshiwara Police Station) अटक केली आहे. पोलिसांनी आयपीसी (Indian Penal Code) कलम  498 (A) आणि  377 अंतर्गत आदिलला अटक केली आहे. आदिल दुर्रानीला आज सकाळी ओशिवरा पोलीस ठाण्यात चौकशीसाठी बोलावण्यात आले होते. आता पोलिसांनी त्याला अटक केली आहे. 

काही आठवड्यांपूर्वी राखी आणि आदिल यांनी लग्न केले. त्यानंतर राखी सावंतने पतीवर फसवणूक केल्याचा आरोप केला होता. राखी सावंतच्या तक्रारीवरून आदिलच्या विरोधात गुन्हा दाखल करण्यात आला असून या प्रकरणाचा पुढील तपास सुरू आहे.

पोलिसांनी राखी सावंतने केलेल्या आरोपाची पडताळणी करून आदिलच्या विरोधात याआधी फसवणूक केल्याप्रकरणी गुन्हा दाखल केला होता आणि त्यानंतर पोलिसांनी आदिलला चौकशीसाठी बोलावलं होते. बुधवारी त्याला न्यायालयात हजर करण्यात येईल.

राखीने काही दिवसांपूर्वी आदिल खानसोबतचे फोटो सोशल मीडियावर शेअर करुन तिच्या विवाहाची माहिती चाहत्यांना दिली. आदिल खान हा बंगळुरुमध्ये राहतो. त्याचा कारचा व्यवसाय आहे. राखीचे आदिलसोबतचे व्हिडीओ आणि फोटो सोशल मीडियावर व्हायरल होत असतात. गेल्या काही दिवस राखी ही तिच्या वैयक्तिक आयुष्यामुळे चर्चेत आहे.

राखी सावंतबद्दल जाणून घ्या…

राखी सावंत तिच्या वैयक्तिक आयुष्यामुळे चर्चेत असते. राखीनं काही दिवसांपूर्वी आदिल खान दुर्रानीसोबत (Adil Khan Durrani) लग्न केले. राखीने आदिल खानसोबतचे फोटो सोशल मीडियावर शेअर करुन तिच्या विवाहाची माहिती चाहत्यांना दिली. सोशल मीडियाच्या माध्यामातून राखी ही तिच्या वैयक्तिक आयुष्याची माहिती तिच्या चाहत्यांना देते. विविध कार्यक्रमांमधून राखी प्रेक्षकांच्या भेटीस येत असते. बिग बॉस-14 (Bigg Boss-14), नच बलिये, बिग बॉस-15 (Bigg Boss 15) आणि बिग बॉस मराठी-4 या कार्यक्रमांमधून राखी प्रेक्षकांच्या भेटीस आली होती. राखी तिच्या विनोदी शैलीने नेहमीच प्रेक्षकांचे मनोरंजन करते. राखी तिच्या विविध विषयांवरील वक्तव्यांमुळे देखील चर्चेत असते.

वाचा इतर महत्वाच्या बातम्या:

Rakhi sawant-Adil Khan Durrani : राखी सावंतचा पती आदिल खान दुर्रानी चौकशीसाठी पोलीस ठाण्यात हजर; अभिनेत्रीने दाखल केली तक्रार