महापालिकेच्या शाळांमध्ये गुणवत्ता वृद्धी उपक्रम

‘निपुण भारत’ योजनेअंतर्गत पायाभूत साक्षरता व संख्याज्ञान या उपक्रमाची प्रभावीपणे अंमलबजावणी करण्याबाबत सरकारकडून निर्देश देण्यात आले आहेत. मुलांमध्ये इयत्तेनुसार वाचन व लेखन क्षमता नसल्याचे शाळा भेटीतून दिसून येत आहे. त्यानुसार, निपुण भारत अभियानाला पूरक कृती कार्यक्रम निश्चित करण्यात आले आहेत. प्रत्येक वर्गशिक्षकांनी आपल्या वर्गातील विद्यार्थी भाषा व गणित विषयाच्या कोणत्या क्षमतेत मागे आहेत हे निश्चित करावे. इयत्ता पहिली ते पाचवीतील विद्यार्थी कोणत्या स्तरावर आहे ते पाहून शिक्षकांनी विद्यार्थ्यांचे तीन गटांत वर्गीकरण करणे अपेक्षित आहे.

विद्यार्थ्यांसाठी आनंदाची बातमी, नव्या वर्षाच्या पहिल्या महिन्यात शाळांना ‘इतके’ दिवस सुट्ट्या

काय आहे ‘निपुण भारत’ गुणवत्ता वृद्धी कार्यक्रम?

– इयत्ता पहिली ते पाचवीच्या सर्व विद्यार्थ्यांसाठी

– कालावधी ८ आठवडे (२ जानेवारी ते २५ फेब्रुवारी २०२३)

– भाषा व गणित विषयांना दररोज प्रत्येकी ४५ मिनिटे वेळ

– विकासनिहाय भाषा व गणिताच्या कृती

– प्रत्येक आठवडा संपल्यानंतर विद्यार्थ्यांची उजळणी व चाचणी घेणे

– उपक्रमाचा वेळ वगळून उर्वरित वेळेत नियमित अध्यापन सुरू ठेवणे

– फेब्रुवारी २०२३मध्ये विद्यार्थ्यांचे इतर शिक्षकांकडून मूल्यमापन करणे