महाराष्ट्र – कर्नाटक सीमा भागामध्ये मराठी कॉलेज प्रलंबितच

या समितील विद्यापीठाचे कुलसचिव आणि उच्च शिक्षण संचालक अशा महत्त्वाच्या अधिकाऱ्यांचा समावेश होता. राज्य सरकारच्या सूचनेनुसार सरकारी महाविद्यालय स्थापन करण्यासाठी पाच एकर जागा देण्याचीही तयारीही स्थानिक प्रशासनाने दर्शवली होती. त्यादृष्टीने समितीने आपला अहवालही विद्यापीठ आणि राज्य सरकारकडे पुढील कार्यवाहीसाठी पाठवला.

मात्र, त्यानंरही पदवी अभ्यासक्रमांच्या महाविद्यालयाला मुहूर्त मिळाला नाही, अशी माहिती सूत्रांनी दिली आहे. दरम्यान, शिनोली येथे एक केंद्र सुरू असून, त्यातून विद्यार्थ्यांना कौशल्यांवर आधारित प्रमाणपत्र अभ्यासक्रमांचे शिक्षण देण्यात येत आहे, अशी माहिती विद्यापीठ प्रशासनाने दिली. याबाबत अधिक माहितीसाठी कुलगुरू डॉ. डी. टी. शिर्के यांच्याशी संपर्क साधला असता, तो होऊ शकला नाही.

शाळा, कॉलेजांमध्ये मतदार साक्षरता मंडळ

नवीन महाविद्यालय स्थापन करण्याबाबत सरकारी निर्णय होणे अपेक्षित होते. मात्र, अजून कोणताही निर्णय झालेला नाही. त्यामुळे स्वतंत्र महाविद्यालय स्थापन केले नाही. मात्र, शिनोली येथील केंद्राच्या माध्यमातून ग्रामीण भागातील विद्यार्थ्यांना कौशल्यांवर आधारित दोन अभ्यासक्रम साधारण दोन वर्षांपासून सुरू आहेत. त्याचा फायदा विद्यार्थ्यांना होत आहे. त्याचप्रमाणे सीमाभागातील विद्यार्थ्यांना शैक्षणिक शुल्कात सवलत आणि होस्टेल सुविधा दिली आहे.
– डॉ. व्ही. एन. शिंदे , कुलसचिव, शिवाजी विद्यापीठ

सीमावर्ती भागात नवे महाविद्यालय सुरू करण्याची जबाबदारी पूर्णपणे शिवाजी विद्यापीठाची होती. त्या दृष्टीने मंत्री महोदयांसोबत समितीच्या सदस्यांच्या बैठका झाल्या. मंत्री महोदयांनीही जागेची पाहणी केली होती. त्या वेळी या महाविद्यालयाच्या संपूर्ण नियंत्रण आणि देखभालीची जबाबदारी शिवाजी विद्यापीठावर निश्चित करण्यात आली होती.
– डॉ. धनराज माने, तत्कालीन संचालक, उच्च शिक्षण संचालनालय