खरा रोमान्स म्हणजे काय? सुधा मूर्तींच्या या टिप्स पालकांनी मुलांशी नक्की शेअर कराव्यात

​रोमान्स हा जीवनाचा भाग आहे, जीवन नाही

सुधा मूर्ती म्हणतात की, रोमान्स हा जीवनाचा एक भाग आहे. पण पुढे जाऊन त्या हे ही सांगतात की, जीवनापेक्षा ते मोठे नाही. प्रेम, आकर्षण यासारखे मोहक क्षण सगळ्यांच्या जीवनात येतात. पण त्यामध्ये अडकून राहू नका. आयुष्याचं ध्येय काय आहे हे समजून घ्या. कारण रोमान्स हा जीवनाचा फक्त एक भाग आहे.

(वाचा – Meta ने आईला जॉबवरून काढलं, ६ वर्षांच्या मुलीने साजरा केला आनंद, आई-मुलीचं खास नातं))

​पालकांसोबत तुम्ही सुरक्षित असतात

मुलं लहान असतात तेव्हा त्यांना आपण सुरक्षित आहोत. आपली काळजी घेतली जाते आपल्या गरजा पूर्ण होत आहेत. सगळ्या गोष्टी अतिशय योग्य पद्धतीने होत आहेत, असं वाटत असतं. पण हे होत नसून हे करणारे दोन व्यक्तिमत्व तुमच्यासोबत असतात ते म्हणजे आई-बाबा. आई बाबा या दोघांमुळे सुरक्षित आयुष्य जगत असता. असं असताना मुलांनी कोणताही निर्णय घेण्याआधी पालकांचा विचार करायला हवा.

(वाचा – ईशा अंबानीच्या जुळ्या मुलांची पहिली झलक, मुकेश-नीता यांनी आजी-आजोबा म्हणून केल्या ‘या’ खास गोष्टी))

​जेव्हा डेट करत असता

जेव्हा कपल एकमेकांना डेट करत असतात. तेव्हा ते प्रेमात आकंठ बुडालेले असतात. दिवसातील काही तास तुम्ही भेटता. तेव्हा तुम्ही एकमेकांना आपल्यातील बेस्ट देण्याचा प्रयत्न करता. जर एखादी चूक झालीच तर तुम्ही ती मोठ्या मनाने माफ देखील करता. पण जेव्हा तुम्ही लग्न करता तेव्हा खऱ्या अर्थाने वैवाहिक जीवनाला सामोरे जात असता. तेव्हा तुम्हाला कुठेच सवलत मिळत नाही. जोडीदाराला आहे तसा स्विकारण्याशिवाय पर्याय राहत नाही. त्यामुळे जीवनाकडे डोळसपणे पाहिलं पाहिजे आणि हे पालकांनी मुलांना आपुलकीने शिकवलं पाहिजे.

(वाचा – रोहित पवार यांच्या मुलांच्या नावात झळकतोय साधेपणा, तुम्हालाही भावतील ही नावे)

सुधा मूर्ती यांच्या तरूणाईला टिप्स

​अपयशही पचवलं पाहिजे

अपयश हे फक्त करिअर आणि शिक्षणातच असतं, असं नाही. प्रेमातही मुलांना अपयश येतं. अशावेळी पालकांनी मुलांशी संवाद साधला पाहिजे. आपल्यासाठी जे उत्तम आहे ते आपल्याला मिळणारच ही भावना मुलांमध्ये पालकांनी रुजवली पाहिजे. एखाद्या व्यक्तीचा नकारही पचवणे गरजेचे आहे. प्रेम ही भावनाच निरपेक्ष असणे गरजेचे आहे. जसं आई-बाबा आपल्यावर प्रेम करतात कोणतीही अपेक्षा न करता अगदी तेच खरं प्रेम आहे. क्षमा करणे ठीक आहे, विसरणे चांगले आहे, परंतु ते मागे सोडून पुढे जाणे हे सर्वोत्तम आहे, असं सुधा मूर्ती सांगतात. हा विचार पालकांनी मुलांना सांगितला पाहिजे.

(वाचा – अभिनेत्रीच्या तीन मुलांचे ३ बाप, तिघांसोबत राहून मुलांचे करते संगोपन… काय आहे ही गोष्ट?))

रोमान्ससोबत तडजोडही महत्वाची

प्रेम हे एक पॅकेज आहे या पॅकेजसोबत तुम्हाला अनेक गोष्टी मिळतात. जसे की तडजोड, समंजसपणा, सहानुभूती यासारख्या अनेक गोष्टींनी रोमान्स भरलेला असणे गरजेचे आहे. जेव्हा तुम्ही आयुष्यात पुढे जाता तेव्हा तुम्ही जोडीदारासोबत 24*7 राहत असता. तेव्हा तुम्ही एकाच गोष्टीत अडकून न राहता पुढे जात राहणे गरजेचे आहे. तेव्हा तुम्ही खऱ्या जीवनाला सामोरे जाता. तेव्हा तडजोडीचं महत्व पालकांनी मुलांना सांगितलं पाहिजे. तेव्हा ते रोमान्समध्येही तडजोड करतील.

(वाचा – मला मुलांना शिस्त लावायचीय, पण घरातले… आईला पेचात पाडणारी ही व्यथा, अशावेळी काय कराल?))