IND vs SL, 1st T20 Live: भारतीय संघा श्रीलंकेविरुद्ध टी20 मालिकेसाठी सज्ज झाला असून दोन्ही संघामध्ये आज पहिला टी20 सामना पार पडत आहे. भारताने काही दिवसांपूर्वी वेस्ट इंडिजला आधी एकदिवसीय आणि नंतर टी20 सामन्यात व्हाईट वॉश दिला. ज्यानंतर आता भारतीय भूमीतच भारत श्रीलंकेशी दोन हात करण्यासाठी सज्ज झाला आहे. भारत आणि श्रीलंका यांच्यात पार पडणारा आजचा पहिला टी20 सामना लखनौच्या भारतरत्न श्री अटलबिहारी वाजपेयी एकाना क्रिकेट स्टेडियमवर खेळवला जात आहे. एकूण तीन सामन्यांची ही मालिका असून आज पहिला तर, 26 आणि 27 फेब्रुवारी रोजी दुसरा आणि तिसरा सामना खेळवला जाईल.
भारत आणि श्रीलंका यांच्यात पार पडणाऱ्या या सामन्यात कोणत्या खेळाडूंना संधी मिळेल याची सर्वाधिक उत्सुकता असेल. तसंच आगामी टी20 विश्वचषकाच्या दृष्टीने हा दौरा संघ तयार करण्यासाठी अत्यंत महत्त्वाचा आहे. केएल राहुल, वॉशिंग्टन सुंदर आणि अक्षर पटेल सारखे खेळाडू आधीच दुखापतग्रस्त असल्याने टीम इंडियातून बाहेर पडले आहेत. आता सूर्यकुमार आणि दीपक चहर देखील दुखापतग्रस्त झाल्याने संघाच्या अडचणीत वाढ झाल्याने कोणत्या खेळाडूंना संधी मिळेल हे पाहावे लागेल.
पहिल्या टी-20 सामन्यासाठी भारतीय संघ (India’s T20I squad)
ऋतुराज गायकवाड, ईशान किशन (यष्टीरक्षक), रोहित शर्मा (कर्णधार), श्रेयस अय्यर, वेंकटेश अय्यर, दीपक हुडा, रवींद्र जाडेजा, हर्षल पटेल, भुवनेश्वर कुमार, जसप्रीत बुमराह, युझवेंद्र चहल
पहिल्या टी-20 सामन्यासाठी श्रीलंका संघ (Sri Lanka T20I squad)
दसुन शनाका (कर्णधार), पथुम निसानका, कुसल मेन्डिस, चरित असलांका (उपकर्णधार), दिनेश चांदीमल, दनुष्का गुणथिलक, जनिथ लियानागे, चमिका करुणारत्ने, दुष्मंथा चमीरा, लाहिरू कुमारा, महेश दीक्षाना,