MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
सीबीएसई टर्म २ परीक्षा २०२२ चे वेळापत्रक आणि आयसीएसई टर्म २ परीक्षा २०२२ चे वेळापत्रक रिलीज झाल्यामुळे परीक्षेच्या तारखा बदलण्यात आल्याचे आयसीएआयने म्हटले आहे.
सीए फाउंडेशन परीक्षा २०२२ या मे महिन्याच्या २५, २७ आणि २९ तारखेला होणार होत्या. पण सीबीएसई टर्म २ (२०२१-२२) आणि आयसीएसई टर्म २ परीक्षा देणाऱ्या विद्यार्थ्यांना अडचण येऊ नये म्हणून वेळापत्रकात बदल करण्याचा निर्णय घेण्यात आला आहे.
HSL Recruitment 2022: संरक्षण मंत्रालयाअंतर्गत विविध पदांची भरती
सीए फाउंडेशनची परीक्षा आता जून २०२२ मध्ये घेतली जाणार आहे. २४, २६, २८ आणि ३० जून या दिवशी या परीक्षा घेतल्या जाणार आहेत. परीक्षेच्या वेळापत्रकादरम्यान कोणत्याही दिवशी केंद्र सरकार किंवा कोणत्याही राज्याने सार्वजनिक सुट्टी जाहीर केल्यास परीक्षेच्या वेळापत्रकात कोणताही बदल केला जाणार नाही, असे नोटीसमध्ये म्हटले आहे. बारावीचे विद्यार्थी सीए फाऊंडेशनच्या परीक्षेला बसतात. परीक्षेच्या तारखा क्लॅश झाल्याने निर्धारित तारखा बदलण्यात आल्या आहेत.
सीबीएसई टर्म २ परीक्षा २०२२ (CBSE Term 2 Exam 2022) २६ एप्रिलपासून सुरु होऊन १५ जून २०२२ रोजी संपणार आहे. आयसीएसई टर्म २ परीक्षा २५ एप्रिलपासून सुरु होणार असून ६ जून २०२२ ला संपणार आहे. परीक्षेचे प्रवेशपत्रेही लवकरच जाहीर केले जाणार आहेत. या परीक्षेला बसलेल्या उमेदवारांनी अधिकृत वेबसाइटवर लक्ष ठेवण्याचा सल्ला देण्यात आला आहे.
अधिकृत नोटिफिकेशन पाहण्यासाठी येथे क्लिक करा
IIIT नागपूरमध्ये भरती, डिप्लोमा आणि पदवीधरांना नोकरीची संधी
PCMC Recruitment 2022: पिंपरी चिंचवड पालिकेत महिलांना नोकरीची संधी
