हिंदू-मुस्लीम विभिन्न धर्म पण खऱ्या अर्थाने जिंकलं प्रेम, मिनी माथुर – कबीर खानच्या लग्नाला झाली २५ वर्ष

​पूर्ण प्लॅनिंगसह कबीरची घडवून दिली होती भेट​

मिनी माथुरचे वडील अत्यंत कडक शिस्तीचे होते आणि आपल्या मुलीने दुसऱ्या धर्मातील मुलासह लग्न करावे हे त्यांना अजिबात मान्य नव्हते. मिनीने बँकर अथवा इंजिनिअर मुलाशी लग्न करावे अशी त्यांची इच्छा होती. त्यामुळे कबीरला डेट करताना मिनीने आपल्या वडिलांशी भेट घडवताना पूर्ण प्लॅनिंगसह घडवून आणली होती.

​कबीरचे आडनाव सांगितलेच नाही​

कबीर मुस्लीम असून मिनीने वडिलांची भेट करून देताना त्याचे आडनावच सांगितले नाही. साधारण १ वर्ष घरी येणंजाणं राहिल्यानंतर दोघांनी घरी लग्न करण्याचा प्रस्ताव ठेवला होता. लग्नाबाबत सांगताना कबीरने त्याचे आडनाव मिनीच्या वडिलांना सांगितले होते. पण तोपर्यंत कबीरचा स्वभाव त्यांना माहीत झाला होता आणि कबीर त्यांना आवडू लागला होता. त्यामुळे दोघांना लग्नासाठी परवानगी मिळाली.

(वाचा – पहिल्याच भेटीत शाहीदला आवडली मीरा राजपूत, १३ वर्षांनी लहान असूनही केले अरेंज मॅरेज)

​कबीर आहे नास्तिक​

मिनी आणि कबीरने नेहमीच एकमेकांना साथ दिली. गेल्या २५ वर्षात कबीरने इंडस्ट्रीला अत्यंत हिट चित्रपट दिले. तर मिनीने आपले करिअर सोडून दोन मुलांना सांभाळले. मात्र कबीरच्या कामात तिने नेहमीच साथ दिली. अनेकदा मिनी कबीरचे आडनाव लावत नाही म्हणून सोशल मीडियावर तिला त्रास देण्यात आला होता. मात्र कबीर नास्तिक असून या गोष्टींचा फरक पडत नाही असे मिनीने सांगितले होते.

(वाचा – चेन्नई सुपर किंग्जच्या शिवम दुबेची फिल्मी लव्ह स्टोरी, समाजाची बंधने झुगारून केले होते अंजुम खानशी लग्न)

​धर्म कधीच आड आला नाही​

कबीर आणि मिनीच्या प्रेमाच्या बाबतीत कधीच धर्म आड आला नाही. मिनीने कायम लग्नानंतर हिंदू धर्माच्या परंपरा जपल्या. कबीर आणि मिनीच्या प्रेमात याचा कधीच व्यत्यय आला नाही. त्यामुळे २५ वर्ष पूर्ण केल्यानंतर खऱ्या अर्थाने प्रेम जिंकले असंच म्हणावं लागेल

(वाचा – पहिल्या भेटीत न आवडलेल्या राजकुमार रावबरोबरच केले पत्रलेखाने लग्न, अशी घडली लव्ह-स्टोरी)

​मिनी आणि कबीरचे कायमचे प्रेम​

मिनी आणि कबीरला एक मुलगा विवान आणि सैराह नावाची एक मुलगी आहे. चौकोनी असे हे कुटुंब नेहमीच वादविवादापासून दूर राहण्याचा प्रयत्न करते. तर धर्माच्या पलीकडेही माणुसकी, प्रेम या गोष्टी अधिक महत्त्वाच्या आहेत हाच आदर्श या कुटुंबाने घालून दिला आहे.

​माणुसकी हाच धर्म​

मिनीने नेहमीच आपल्या घरात माणुसकी हाच धर्म असल्याचे केवळ सांगितले नाही तर गेले २५ वर्ष हेच जपत असल्याचे दाखवून दिले आहे. तर अजूनही मिनी आणि कबीरने आपले प्रेम आणि नातं जपत पुढच्या वाटचालीला सुरूवात केल्याचेच या पोस्टवरून दिसून येत आहे.

मिनी आणि कबीरच्या नात्यावरून हेच सिद्ध होते की, खरे प्रेम, आपुलकी, काळजी आणि एकमेकांबद्दल आदर असेल तर कोणताच धर्म आणि जात त्यात आडवे येऊ शकत नाहीत.