घरीच बनवा डार्क काजळ अलर्जीची राहणार नाही भिती, ऑर्गेनिक काजळ घालेल सौंदर्यात भर

घरच्या घरी असे बनवा काजळ

काजळ बनविण्यासाठी साहित्य

• वात बनविण्यासाठी कापूस
• दिवा
• २ चमचे ओवा
• ४-५ बदाम
• अर्धी वाटी मोहरीचे तेल
• दोन कप, १ ताट
• कागद
• ४-५ थेंब तूप

पहिली स्टेप

काजळ बनविण्यासाठी सर्वात पहिल्यांदा कापसामध्ये ओवा घालून त्याची मोठी वात बनवून घ्या. ही वात दिव्यात ठेवा आणि त्यात मोहरीचे तेल घाला

दुसरी स्टेप

तेल आणि वातीने भरलेला दिवा मधोमध ठेवा आणि त्याच्या बाजूला दोन समान उंचीचे कप ठेवा. वात पेटवा आणि मग त्यावर ताट उपडे घाला जेणेकरून त्याचे कार्बन या ताटाला लागू शकेल.

(वाचा – मोहरीचे तेल आणि कडिपत्त्याचे समीकरण केसांसाठी ठरते फायदेशीर, कसे वापरावे घ्या जाणून)

तिसरी स्टेप

सुरीच्या टोकाने बदाम एक एक करून दिव्याच्या वातीवर जाळा आणि त्याचे कार्बनही ताटाला वर लागू द्या. हे स्टेप बाय स्टेप तुम्ही करा. बदाम आणि ओव्याची काजळी ताटाला लागणे आवश्यक आहे इतकाच त्यामध्ये गॅप राहू द्या

(वाचा – कोरफड आणि नारळाचे तेल रात्रभर केसांना लावले तर मिळतील अफलातून फायदे, केसांची वाढ थांबणार नाही)

चौथी स्टेप

यानंतर तुम्ही वरील ताट सरळ केल्यावर तुम्हाला संपूर्ण काजळी लागलेली दिसून येईल. कागदाच्या मदतीने तुम्ही ही काजळी काढून घ्या आणि एका वाटीत काढा.

(वाचा – केसांना जास्त कंडिशनर लावल्याने होऊ शकतं नुकसान? काय म्हणतात तज्ज्ञ)

पाचवी स्टेप

छोट्याशी डबीत ४-५ थेंब तूप घाला आणि वर काढण्यात आलेली काजळी त्यात व्यवस्थित मिक्स करून घ्या. तुमचे डार्क आणि वॉटरप्रुफ काजळ तयार आहे. या काजळाने कोणताही दुष्परिणाम होत नाही आणि वापरणेही अधिक सोपे आहे.

टीप – हा लेख केवळ सामान्य माहितीसाठी असून यामधून कोणत्याही प्रकारच्या दावा केला गेलेला नाही. तुम्हाला यापैकी कोणत्याही पदार्थाची अलर्जी असल्यास वापर करू नये.