डॅझलिंग शिमरी साडी आणि डीप नेक ब्लाऊज, काजोलच्या सौंदर्याने तरूणही घायाळ

​ऑफ व्हाईट नेट शिमरी साडी​

एव्हरग्रीन ब्युटी काजोलच्या लुकची सध्या जबरदस्त चर्चा आहे. सिद्धार्थ कियाराच्या लग्नामध्ये काजोलने नेसलेल्या साडीकडेच सर्वांचे लक्ष होते. डॅझलिंग शिमरी साडीमध्ये काजोलने सर्वांचेच लक्ष वेधले होते. नेट आणि शिमर असे कॉम्बिनेशन असणारी ही साडी काजोलच्या सौंदर्यात अधिकच भर घालत होती.

​डीप नेक ब्लाऊज आणि कलर्ड स्टोन्स​

या साडीसह काजोलने स्लीव्हलेस डीप नेक ब्लाऊज मॅच केला असून रंगबेरंगी या ब्लाऊजवर सजवण्यात आलेले स्टोन्स लक्षवेधी आहेत. एखाद्या राणीसारखी पोझ आणि चेहऱ्यावरील आत्मविश्वास यामुळे काजोलच्या चेहऱ्यावरून लक्षच विचलित होऊ शकत नाही.

(वाचा -कियारा-सिद्धार्थच्या लग्नात चर्चा शाहीद-मीराच्या फॅशनची, रॉयल लुकमध्ये मीराने वेधले लक्ष)

​मोठे इअररिंग्ज आणि स्टनिंग लुक​

ब्लाऊजला मॅचिंग असे मोठे इअररिंग्ज काजोलने यासह घातले असून आपला लुक पूर्ण केला आहे. साधा आणि तरीही क्लासी असा हा लुक कोणत्याही पार्टीसाठी अथवा रिसेप्शनसाठी आकर्षक ठरतो. साडीच्या परफेक्ट निऱ्या आणि हातावर पदर त्यावर मोठे कानातले असा हा लुक अनेकांचा कलेजा खल्लास करत आहे.

(वाचा – कियाराच्या मंगळसूत्राच्या किमतीत येईल एक फ्लॅट, सिद्धार्थने केले इतके कोटी खर्च, सब्यासाचीने केले डिझाईन)

​स्मोकी आईज आणि मॅट मेकअप​

या शिमरी साडीसह काजोलने स्मोकी आईज आणि आयशॅडोसह मॅट मेकअपने लुकला अधिक आकर्षक बनवले आहे. अति भडक मेकअप न करता चॉकलेटी शेड्समधील लिपस्टिकचा वापर करत लुक पूर्ण केला आहे. हा मेकअप साडीसह परफेक्ट मॅच होताना दिसून येत आहे.

(वाचा – नीना गुप्ताच्या लेकीवरून हटणार नाही नजर, फॅशनच्या बाबतीत अभिनेत्रींना देते तगडी टक्कर)

​स्मितहास्याने पाडली भुरळ​

काजोलचे हास्य हा तिच्या सौंदर्याचा एक महत्त्वाचा भाग आहे. या साडी लुकसह वेगवेगळ्या पोझ देताना काजोलने दिलेले स्माईल हे नक्कीच तिच्या चाहत्यांसाठी सुखद ठरते. तिच्या एका स्माईलनेही दिवस चांगला जाईल असे अनेक चाहते आहेत. या साडीतील लुक आणि त्यावर काजोलचे स्मितहास्य हे अद्भुत समीकरणच आहे.

काजोलचा हा लुक तुम्हीही तुमच्या एखाद्या पार्टीसाठी कॅरी करू शकता. साधा आणि क्लासी लुक ठेवण्यासाठी तुम्ही हा लुक नक्की पाहा.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com