मुलांच्या स्वभावात होतो बदल
जी मुलं आपल्या भावंडांसोबत रूम शेअर करतात त्यांचा स्वभाव जास्त काळजी घेणारा असतो. जेव्हा मुलं भावंडांसोबत जागा शेअर करत असतात. यावेळी मुलांना एकमेकांची काळजी घेण्याची सवय लागते. अनेकदा ही मुलं आपले खासगी विषय देखील शेअर करत असतात. यामधून मुलांमध्ये एक खास नातं निर्माण होतं.
(वाचा – आताच्या मुलांसमोर नक्की कसं वागायचं हा प्रश्न पडतोय? Sudha Murthy यांच्या पॅरेंटिंग टिप्स नक्कीच मदत करतील)
मुलं मर्यादा ओळखायला शिकतात
जी मुले त्यांच्या भावंडांसोबत एकच खोली शेअर करतात त्यांना आपल्या भावना आणि जागेची मर्यादा कशी ओळखायची हे कळतं. मुलं त्यांच्या भावनांचे व्यवस्थापन कसे करायचे ते शिकतात. दिलेल्या जागेत त्यांचे सामान कसे व्यवस्थापित करायचे ते त्यांना माहित आहे आणि योग्य वेळी त्यांच्या भावना कशा प्रदर्शित करायच्या किंवा कुठे थांबायचं हे देखील त्यांना माहित असते.
(वाचा – प्रियंका चोप्राकडून लेकीचा पहिला फोटो शेअर, मालतीच्या नावामागे प्रियंका-निकचा ‘हा’ विचार तुम्हालाही भावेल)
माणसांना योग्य प्रकारे समजून घेतात
मुलांनी एकच खोली शेअर केल्यामुळे माणसांना योग्यप्रकारे समजून घेण्याची समज त्यांच्यात निर्माण होते. ही मुलं मोठी होऊन अधिक सहानुभूती दाखवतात आणि मानवी वर्तनाची त्यांना चांगली समज असते. खूप छान समजून घेण्यात ही मुलं माहिर असतात.
(वाचा – तुमची मुलंसुद्धा मोबाइलमध्ये बिझी असतात, मुलांना Gadget पासून लांब करायचंय? Sudha Murthy यांच्या फायदेशीर टिप्स)
भांडणातूनच प्रेम निर्माण होत
भांडणातूनच प्रेम वाढतं ही भावंड एकत्र राहतात आणि आपलं भांडण मिटवतात. आपल्याला एकमेकांशिवाय दुसरं कुणी ओळखू शकत नाही या भावनेने ही मुलं एकत्र वाढत असतात. त्यांची खोली ही हक्काची जागा असते त्यामुळे या खोलीत ही मुलं बहरत असतात.
(वाचा – इशा अंबानीने दिला जुळ्या बाळांना जन्म, नाव जे त्यांच्या कुटुंबाला साजेल असंच…. पाहा नावाचा अर्थ)
महत्वाचा मुद्दा
मुलांना समान खोली देण्यापूर्वी त्यांचे वय आणि व्यक्तिमत्त्व विचारात घेणे गरजेचे आहे. कधीकधी, भावंडांची व्यक्तिमत्त्वे एकमेकांपेक्षा भिन्न असल्यास, मुलांना एकमेकांशी जुळवून घेणे कठीण होते. ते अखेरीस पालकांनी लक्षात घ्यायला हवं. सुरुवातीचे दिवस पालकांना डोकेदुखी होऊ शकते.
तसेच, विशिष्ट वयानंतर मुलांना त्यांच्या वैयक्तिक जागेची आवश्यकता असते. जेव्हा भाऊ आणि बहिणी एकाच खोलीत राहतात तेव्हा या सगळ्याचा विचार करायला हवं. त्यामुळे पालकांना एका विशिष्ट वयानंतर मुलांना एकाच खोलीत ठेवण्याच्या निर्णयावर पुनर्विचार करणे आवश्यक आहे.
(वाचा – आलिया भट्टने जाहिर केलं मुलीचं नाव, मुलीच्या नावामध्ये दडलाय अनोखा अर्थ… कुणी ठेवलं नाव जाणून घ्या)