मध्य रेल्वेच्या भरतीअंतर्गत दहावी उत्तीर्णांकडून अप्रेन्टिस पदासाठी अर्ज मागविण्यात आले आहेत. याअंतर्गत एकूण २,४२२ पदे भरली जाणार आहेत. अर्ज करणाऱ्या उमेदवारांनी मान्यताप्राप्त शिक्षणसंस्थेतून दाहावी उत्तीर्ण असणे आवश्यक आहे. तसेच आयटी पर्यंतचे शिक्षण पूर्ण असणे अनिवार्य आहे. उमेदवारांना मध्य रेल्वेने दिलेल्या अटी आणि शर्थींचे पालन करावे लागणार आहे.
पदासाठी निवड झालेल्या उमेदवारांना ७ हजार रुपये अप्रेंटिस दिले जाणार आहे.
उमेदवारांकडून खुल्या गटातील उमेदवार/ ओबीसी/ इडब्ल्यूएस उमेदवारांकडून शंभर रुपये शुल्क घेतले जाणार आहे. एससी/एसटी/पीडब्ल्यूडी/ महिला उमेदवारांकडून कोणतेही शुल्क आकारले जाणार नाही.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या. १५ जानेवारी २०२३ ही अर्जाची शेवटची तारीख आहे. यासाठी इच्छुक आणि पात्र उमेदवारांकडून ऑनलाइन माध्यमातून अर्ज मागविण्यात आले आहेत.