मराठवाडा विद्यापीठ सत्र परीक्षा होणार ऑफलाइन

डॉ. बाबासाहेब आंबेडकर मराठवाडा विद्यापीठातील विभाग आणि संलग्नित महाविद्यालयांच्या दुसऱ्या सत्रातील अभ्यासक्रमाच्या तासिका आणि परीक्षा ऑफलाइन (Marathwada University Exam) होणार आहेत. याबाबतचे वेळापत्रक, नवीन नियमावली विद्यापीठ प्रशासन जाहीर करणार आहे.

करोनाच्या पार्श्वभूमीवर दोन वर्षांपासून महाविद्यालयांचे शिक्षण ऑनलाइन, ऑफलाइन असे राहिले. करोनाचा प्रादुर्भाव कमी होत असल्याने शाळांचे प्रत्यक्ष वर्ग सुरू झाले. महाविद्यालयांचे प्रत्यक्ष वर्ग सुरू झाले परंतु उपस्थितीचे प्रमाण कमी आहे. त्यासह या सत्रातील परीक्षा ऑनलाइन घेण्याचा निर्णय घेण्यात आल्याने परीक्षा ऑनलाइन घेण्यात येत आहेत. दहावी, बारावीच्या परीक्षा ऑफलाइन झाल्या परंतु पदवी, पदव्युत्तर परीक्षा ऑनलाइन घेण्यात आल्या. आता पूर्ववत सुरू झाल्याने ऑफलाइन तासिकांसह परीक्षाही ऑफलाइन घेण्यात येणार आहे. त्यासाठी विद्यापीठाकडून नवीन नियमावली तयार करण्यात येत आहे.

प्रत्यक्ष तासिका बंदमुळे शिक्षणात खंड पडण्याची शक्यताही वर्तविण्यात येत होती. विद्यार्थ्यांचे शैक्षणिक नुकसान लक्षात घेत तासिका, परीक्षा ऑफलाइन घेण्याबाबत निश्चित करण्यात आल्याचे सांगण्यात आले. विद्यापीठाचे आता दुसरे सञ सुरू होणार आहे. विद्यापीठ प्रशासन दुसऱ्या सञाच्या तयारीला लागले आहे. दुसऱ्या सञातील अभ्यासक्रमाच्या तासिका ऑफलाइन आणि परीक्षा देखील ऑफलाइन घेण्यात येणार आहेत. पदवीच्या प्रथम सत्रातील परीक्षा संपल्यामुळे संलग्नित अनेक महाविद्यालयांच्या तासिका सुरू झाल्या आहेत. तर पदव्युत्तरच्या परीक्षा संपल्या नसल्यामुळे दुसऱ्या सत्रातील अभ्यासक्रमाच्या तासिका अद्याप पूर्ण क्षमतेने सुरू झालेल्या नसल्याचे सांगण्यात येते. या पार्श्वभूमीवर विद्यापीठ प्रशासन परिसरातील विभाग आणि संलग्नित महाविद्यालयांसाठी ऑफलाइन तासिका, परीक्षांबाबत नवीन नियमावली जाहीर करण्याची शक्यता असल्याचे सूत्रांनी सांगितले.

पहिली ते नववी, अकरावीच्या शाळा एप्रिलपर्यंत पूर्णवेळ सुरू राहणार

‘परीक्षा पे चर्चा’ १ एप्रिल रोजी होणार, पंतप्रधान मोदी साधणार विद्यार्थ्यांशी संवाद