ही गोष्ट कोरोनासारख्या विषाणूला जन्म देऊन पुन्हा एकदा अधिक धोकादायक कहर माजवू शकते. तर मंडळी, Bird Flu तर तुम्हाला माहित आहेच आणि ही बातमी त्या संदर्भातच आहे. जागतिक आरोग्य संघटनेने सांगितले की, गेल्या काही आठवड्यांत पक्षी (मिंक, ऑटर, फॉक्स, सी लायन) व्यतिरिक्त इतर सस्तन प्राण्यांमध्ये बर्ड फ्लूचा संसर्ग दिसून आला आहे. त्यांच्यात निर्माण झालेला हा संसर्ग मनुष्य प्राण्यांपर्यंत पोहोचायला अजिबात वेळ लागणार नाही कारण मनुष्य सुद्धा एक सस्तन प्राणीच आहे. (फोटो सौजन्य :- iStock, pixels)
बर्ड फ्लू अर्थात एव्हियन फ्लू आहे व्हायरसचे नाव
बर्ड फ्लूलाच एव्हियन फ्लू असेही म्हणतात, जो प्रामुख्याने समुद्री पक्षी, बदक, कोंबडी इत्यादींना संक्रमित करतो. त्याचे चार प्रकार अधिक धोकादायक असल्याचे दिसून आले आहे, ज्यांना H5N1, H7N9, H5N6 आणि H5N8 अशी नावे देण्यात आली आहेत. यापैकी सस्तन प्राण्यांमध्ये H5N1 विषाणूची प्रकरणे आढळून आली आहेत. हाच वाढता धोका लक्षात घेता जागतिक आरोग्य संघटनेने सर्व देशांना सतर्क राहण्याचे आदेश दिले आहेत.
(वाचा :- Mountain Climber Exercise: वयाच्या 30 नंतर स्त्री-पुरूषांनी माऊंटेन क्लाईंबर करणं गरजेचं,रहाल लोखंडाइतकं मजबूत)
या गोष्टी करू नका
जागतिक आरोग्य संघटनेने अर्थात WHO ने पत्रकार परिषदेत बर्ड फ्लूपासून बचाव करण्याचे मार्ग सांगितले आहेत. कोणताही वन्य प्राणी-पक्षी आजारी किंवा मृत दिसल्यास त्याच्या जवळ जाण्याचा प्रयत्न करू नका, स्थानिक अधिकाऱ्यांना कळवा, असे जागतिक आरोग्य संघटनेने म्हटले आहे. यासोबतच आजारी किंवा मृत कोंबड्यांजवळ जाताना काळजी घ्या. तसेच शक्य असल्यास त्यांचा वापर करू नका. असे केल्याने बर्ड फ्ल्यू चा संसर्ग तुम्हाला सुद्धा होण्याचा धोका निर्माण होतो.
(वाचा :- सकाळीही फ्रेश वाटत नसेल, फक्त 4 कामं करून थकत असाल तर तुम्ही आहात या आजाराचे बळी, ताबडतोब जेवणात घाला हा मसाला)
व्हारसची ही धोकादायक लक्षणे दिसू शकतात
एनएचएसच्या मते, एव्हियन इन्फ्लूएंझा मानवांमध्ये पसरणे दुर्मिळ आहे, परंतु त्याचा धोका नाकारता येत नाही. मानवांमध्ये, हा विषाणू काही विशेष लक्षणे दर्शवू शकतो, ज्याबद्दल आपल्याला माहित असायला हवे. जेणेकरून त्या लक्षणांवरून आपण अंदाज लावू शकतो.
- खूप जास्त ताप
- स्नायूदुखी
- डोकेदुखी
- खोकला
- धाप लागणे
- जुलाब
- पोटदुखी
- छातीत दुखणे
- नाक किंवा हिरड्यांमधून रक्तस्त्राव होणे
- डोळे येणे
यांसारख्या लक्षणांचा यात समावेश आहे.
(वाचा :- Diabetes Yoga: डायबिटीज करतो किडनी, डोळे, लिव्हरसारखे महत्त्वाचे अवयव कायमचे निकामी, लगेच घरीच करा ‘हे’ एक काम)
कोरोनासारखी महामारी निर्माण होऊ शकते
डब्ल्यूएचओने सांगितले की बर्ड फ्लू हा एक जूनोटिक विषाणू आहे, त्यामुळे सध्या प्राण्यांमध्ये त्याचा प्रसार होण्याचा धोका जास्त आहे. परंतु, लक्षात ठेवा की कोरोना विषाणूचे सुरुवातीचे स्ट्रेन देखील असेच जूनोटिक होते, जे 2019 मध्ये म्यूटेट झाले आणि मानवांमध्ये वेगाने पसरू लागले. म्हणूनच आरोग्य संस्था या विषाणूच्या प्रकरणांवर बारकाईने लक्ष ठेवून आहे. जर या विषाणूने सुद्धा कोरोनाची वाट धरली तर जगात नवीन महामारी निर्माण होण्यास वेळ लागणार नाही अशी भीती जाणकारांनी व्यक्त केली आहे.
(वाचा :- Causes of Uric Acid : ‘ही’ 7 फळं पोटात जाऊन बनवतात भयंकर युरिक अॅसिड, मुतखडा होऊन किडनी होऊ शकते कायमची फेल..)
असा पसरतो बर्ड फ्लू
एनएचएस स्पष्ट करते की, बर्ड फ्लू प्राण्यांपासून मानवांमध्ये पसरू शकतो आणि हा आजार तीन मुख्य मार्गांनी माणसांमध्ये पसरतो. ते म्हणजे –
- संक्रमित पक्ष्यांना स्पर्श करणे
- संक्रमित प्राण्यांच्या विष्ठेला किंवा राहण्याच्या जागेला स्पर्श करणे
- आणि संक्रमित प्राण्यांची कत्तल करणे वा त्याला शिजवून खाणे.
जर संक्रमित प्राण्यांच्या संक्रमात येऊन तुम्ही अशा गोष्टी केल्या तर हा आजार तुम्हालाही होण्याची शक्यता नाकारता येत नाही.
(वाचा :- Weight Loss: हा पदार्थ लंचमध्ये खा,बसल्या बसल्या पोट-मांड्यांवरची चरबी मेणासारखी वितळेल,जिम-डाएटला कराल गुडबाय)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.