Bank Clerk Vacancy: देशभरातील विविध बँकांत क्लर्कची पदे रिक्त

सुमारे ४५ कोटी जनधन खाती उघडण्याचे काम बँक कर्मचाऱ्यांनी केले. त्यांना रूपे कार्ड देणे, आधार लिंकअप करण्याचा संपूर्ण भार बँकेवर होता. त्यात भरीस भर मुद्रा लोन, विमा काढण्याची जबाबदारीसुद्धा बँक कर्मचारी निभावत आहेत. विलीनीकरण होत आहे. सोबतीला शाखा वाढल्या आहेत. त्या तुलनेत कर्मचारी भरती करण्यात आलेली नाही.

यामुळे कर्मचाऱ्यांमध्ये असंतोष दिसून येत आहे. कर्जाच्या रूपाने अनेकांना आर्थिक बळ देणाऱ्या बँकांना सध्या मनुष्यबळाची कमतरता जाणवत आहे. कर्मचाऱ्यांअभावी कामाचा ताण वाढला असून जवळपास सर्वच राष्ट्रीयीकृत बँकांमध्ये लिपिकांची संख्या आवश्यकतेपेक्षा कमी असल्याचे आढळून आले आहे.

Bank of Baroda मध्ये काम करण्याची संधी, ‘येथे’ पाठवा अर्ज

बँकेतील ‘आरामदायी’ नोकरीचे स्वरूप आता ‘त्रासदायक’ या वर्गवारीत मोडल्या जाऊ लागले आहे. या सर्व पार्श्वभूमीवर बँकांमध्ये खासगीकरणाचे वारे वाहत असताना कर्मचारी भरतीदेखील थांबलेली आहे. गेल्या काही वर्षांपासून नियमितपणे आणि गरजेनुरूप भरती प्रक्रिया झालेली नाही. त्याचा थेट परिणाम सध्या कार्यरत असलेल्या कर्मचाऱ्यांवर पडत आहे.

PMC Recruitment: पुणे महापालिकेत पुन्हा भरती, जाणून घ्या तपशील