आशा भोसलेंची नात जनाई भोसले आहे सौंदर्याची खाण, स्टाईलमध्ये बॉलीवूडच्या अभिनेत्रींनाही टाकते मागे

​फुल स्लीव्ह्ज शर्ट​

जनाईच्या स्टाईलमध्ये साड्यांपासून बीच वेअरपर्यंत सगळेच कपडे दिसून येतात. तर तिने घातलेला हा फुल स्लीव्ह्ज व्हाईट शर्ट कोणत्याही मित्रमैत्रिणीसह बाहेर जाताना अथवा अगदी ऑफिसमध्ये जाण्यासाठी उत्तम पर्याय ठरू शकतो. यासह तिने घातलेले मोठे कानातले तिच्या सौंदर्यात भर घालत आहेत. तर जनाई या नावाचे लॉकेट कायम तिच्या गळ्यात दिसते. तिचे हे लॉकेटही अत्यंत लक्षवेधी आहे.

(वाचा – माजी मुख्यमंत्र्यांची नात करतेय आपल्या सौंदर्याने सर्वांना घायाळ, मराठमोळा चेहरा वेधतोय सर्वांचं लक्ष)

​वनपिस आणि एलिगंट लुक​

जनाईचा चेहरा इतका गोड आणि नाजूक वाटतो त्यामुळे तिच्यावर कोणतीही स्टाईल सूट होते. तिने घातलेला हा फ्लोरल वनपिस कोणत्याही ठिकाणी तुम्हाला परिधान करता येऊ शकतो. जनाईचे नैसर्गिक केस इतके लांब आणि घनदाट आहेत की तिच्या सौंदर्यात यामुळे अधिक भर पडते. तसंच कुठेही भपका असणारा मेकअप नाही की आपण किती मोठ्या घराण्यात जन्माला आलो आहोत हा चेहऱ्यावर माज नाही. त्यामुळेच तिच्या चाहत्यांमध्ये दिवसेंदिवस वाढ होत आहे.

(वाचा – २ लाखापेक्षाही अधिक किमतीच्या ड्रेसमध्ये प्रियांका चोप्रा चित्रपटाच्या स्क्रिनिंगला, असे नक्की आहे तरी काय ड्रेसमध्ये)

ऑफशोल्डर वनपिस

जनाईची स्टाईल बघायची झाली तर तिच्या वॉर्डरोबमध्ये सर्वच स्टाईलचे कपडे दिसून येत आहेत. पुसटशी लिपस्टिक आणि कपडे अशीच सर्वच फोटोंमध्ये जनाईची स्टाईल दिसून येते. हेच तिचे वैशिष्ट्य म्हणावे लागेल. तर बॉलीवूडमधील अनेक अभिनेत्रींना जनाई तिच्या सौंदर्याने टक्कर देऊ शकते असे म्हटले तर अतिशयोक्ती ठरणार नाही.

(वाचा – ग्लॅमवर्ल्डमधील टीना अंबांनींचा साधा पण आकर्षक लुक अजूनही आहे टिकून, पाहा स्टाईल)

​नैसर्गिक सौंदर्य​

जनाईने स्विमिंग पूलमधील आपला एक लुक सोशल मीडियावर अपलोड केला आहे. मात्र यात कुठेही वल्गरपणा अथवा काही वेगळं दाखवायची गरज जनाईला भासलेली नाही. तर स्विमिंग पूलमधील तिचा हा फोटो नैसर्गिक सौंदर्य कसे असावे याचाच एक नमुना वाटत आहे. केसांत माळलेले चाफ्याचे फूल, पाण्यात भिजलेले मोकळे केस, हातातील नाजूक ब्रेसलेट आणि एका हातातील कडे हे तिच्या सौंदर्यासह लक्ष वेधून घेत आहे.

आशा भोसले आणि मंगेशकर घराणं हे नेहमीच चर्चेत असतं. पण जनाईचे सौंदर्य पाहता तिने लवकरच बॉलीवूडमध्ये प्रवेश करावा असं बऱ्याच जणांना वाटत आहे. पण आशा भोसले यांची लाडकी नात नक्की आता पुढे काय करणार आहे याकडे नक्कीच सर्वांचं लक्ष लागून राहिले आहे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com