अर्ज आंतरराष्ट्रीय महिला दिनाच्या मुहूर्तावर
भारतीय सैन्याद्वारे टेक्निकल कोअर मध्ये पुरुषांसह महिलांच्या भरतीसाठी क्रमश: ५९ आणि ३० व्या अभ्यासक्रमासाठी अर्ज प्रक्रिया ८ मार्च २०२२ पासून सुरू केली जाणार आहे. हा दिवस दरवर्षी आंतरराष्ट्रीय महिला दिन म्हणूनही साजरा केला जातो.
भारतीय सैन्यात टेक्निकल कोअरमध्ये अल्पसेवा कमीशन (एसएससी) अंतर्गत महिला उमेदवारांची भरती पूर्वीपासूनच होत आहे, मात्र सर्वोच्च न्यायालयाच्या आदेशानुसार राष्ट्रीय संरक्षण अकादमी (NDA)परीक्षेत महिला उमेदवारांना देखील संधी मिळत असल्याच्या पार्श्वभूमीवर या टेक्निकल कोअरच्या, आंतरराष्ट्रीय महिला दिनी सुरू होणाऱ्या अर्जांना अधिक चांगला प्रतिसाद मिळण्याची शक्यता आहे.
कुठे आणि कसा कराल अर्ज?
भारतीय सैन्याच्या टेक्निकल कोअर मध्ये महिला आणि पुरूष भरतीसाठी अर्ज प्रक्रिया अधिकृत भरती पोर्टल joinindianarmy.nic.in वर सुरू होईल. इच्छुक उमेदवार प्रक्रिया सुरू झाल्यानंतर या पोर्टलवर‘ऑफिसर्स एंट्री अप्लाय’ सेक्शन मध्ये जाऊन अर्ज करू शकतील. उमेदवारांना आधी नोंदणी करावी लागेल आणि नंतर नोंदणीकृत ईमेल आणि पासवर्डच्या माध्यमातून लॉग-इन करून उमेदवार आपला अर्ज सबमीट करू शकतील. सैन्याद्वारे एसएससी (टेक) साठी अर्ज करण्याची अंतिम मुदत १३ एप्रिल २०२२ आहे.