MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
पण अजून एक खास गोष्ट म्हणजे हीच योगासने तुम्हाला खूप चांगली आणि शांत झोप देऊ शकतो. योगासने तुमचे मन आणि शरीर यांना आराम देण्यास मदत करतात आणि गंभीर आजारांपासून वाचवतात. तसेच, रात्री झोपताना मेंदूला आरामाची स्थिती प्रदान करतात. Sleepassociation.org ने BMC मानसोपचार तज्ज्ञांच्या रिपोर्टचा आधार देत म्हटले आहे की, योगाभ्यास करणाऱ्यांच्या झोपेची गुणवत्ता अधिक चांगली असते. लहान मुले ज्याप्रकारे निश्चिंतपणे झोपतात त्याचप्रमाणे तुम्हाला झोपायचे असेल तर काही योगासने करायला सुरूवात करा. जी तुम्हाला निद्रानाशापासून वाचवतील. विशेष म्हणजे ही आसने तुम्ही झोपण्यापूर्वी तुम्ही बेडवरच पडल्या पडल्या करू शकता. (फोटो सौजन्य :- iStock)
ध्यान आणि झोप यांचे कनेक्शन
आपल्या पायांची घट्ट मांडी मोडा आणि सरळ बसा. त्यानंतर दोन्ही हात गुडघ्यावर ठेवून ध्यान सुरू करा. ध्यानाची ही प्रक्रिया मनाला शांत करते आणि नको त्या विचारांपासून दूर ठेवते. मन एकाग्र करण्याच्या या कलेला ध्यानधारणा असे म्हणतात. तथापि, रात्री झोपण्यापूर्वी ध्यानाला बसणे प्रॅक्टिकली थोडे अशक्यच आहे. पण मनाला वेगवेगळ्या प्रकारे एकाग्रतेत आणून गाढ झोप मिळवणं शक्य होते. यासाठीच तुम्ही ध्यानासन केले पाहिजे. याचा फायदा तुम्हाला अगदी काहीच दिवसांत दिसून येईल.
(वाचा :- आंबट ढेकर, पोटात आग, छातीत जळजळ म्हणजे शरीरात बनलं भयंकर अ‍ॅसिड,मुळापासून अ‍ॅसिडिटीचा नाश करतात हे 3 सोपे उपाय)
श्वासावर फोकस करा
जर तुम्ही अंथरुणावर पडल्याबरोबर मनात विचारांचे वादळ आकार घेत असेल आणि खूप सारे विचार तुम्हाला त्रास देत असतील तर अशावेळी तुम्ही तुमच्या श्वासावर लक्ष केंद्रित करा. तुम्हाला उठून बसण्याची गरज नाही. फक्त आहे त्या ठिकाणी पाठीवर सरळ झोपा आणि दीर्घ श्वास घ्या आणि सोडा. तुमचे पूर्ण लक्ष तुमच्या श्वासांवर ठेवा. तुम्हाला कधी झोप लागली ते कळणारही नाही आणि तुमचा डोळा थेट पहाटे उघडेल. गाढ झोप घेण्याचा हा सर्वात सोप्पा उपाय आहे.
(वाचा :- Cholesterol Remedy: फक्त 2 रूपयांत अक्षरश: रक्तातून गाळून निघेल पूर्ण कोलेस्ट्रॉल,हार्वर्डने शोधला स्वस्त उपाय)
मंत्र ध्यान
हा ध्यानाचाच एक प्रकार आहे, ज्यामध्ये तुम्हाला तुमची संपूर्ण एकाग्रता फक्त एका मंत्रावर ठेवावी लागते. झोपताना तुम्हाला ज्या कोणत्या मंत्राचा जप करणे सोपे वाटेल त्या मंत्राचा जप मनात सुरू ठेवा. तुमचे सगळे लक्ष हे त्या मंत्रावरच असायला हवे. त्यापासून लक्ष विचलित होऊ देऊ नका. काही दिवसांच्या सरावाने तुमचे मन स्थिर होईल आणि नको त्या विचारांपासून तुमची सुटका होईल व तुम्हाला रात्रीची अगदीच शांत आणि गाढ झोप मिळेल.
(वाचा :- ब्लड सर्क्युलेशन 100% वेगाने धावून क्रॅम्प्स, वेदना, कंबर-मानेत भरलेली चमक 2 मिनिटांत छुमंतर,ऋजुताचा कमाल उपाय)
शवासन
शवासन हा ध्यानाचा प्रकार नसला तरी हे आसन करतानाही मन एका ठिकाणी केंद्रित करावे लागते. शवासनामध्ये तुम्हाला सरळ झोपावे लागते. पायांमध्ये किमान एक फूट अंतर ठेवा आणि हात शरीरापासून दूर ठेवा. उशी असेल तर ती सुद्धा काढून टाका. एखादे शव पडलेले असते तशा प्रकारे झोपून राहा आणि तुमचे मन फक्त श्वासावर केंद्रित करा. थोड्याच वेळात तुम्हाला चांगली झोप लागेल व तुमची सकाळ नक्कीच इतर दिवसांपेक्षा वेगळी असेल.
(वाचा :- Siddharth ची नवरी होण्याआधीच Kiara ची चर्चा, शरीरावर वाढलेली चरबी अशी केली 0%, फिगर व फिटनेस बघून व्हाल अचंबित)
या गोष्टींची घ्या काळजी
चांगल्या झोपेसाठी तुमचा आहारही महत्त्वाचा आहे. रात्री झोपण्यापूर्वी खूप जास्त व हेवी जेवण करू नका. रात्री फक्त हलके-फुलके अन्नच खावे. हे देखील रात्री आठ वाजेपर्यंत खाल्ले तर अधिक उत्तम! जर तुम्हाला झोपेचा त्रास होत असेल तर झोपण्यापूर्वी कोमट पाण्याने आंघोळ करा. शरीराला आराम मिळेल आणि चांगली झोप येईल.
(वाचा :- Hanuman Phal Benefits: नावाइतकंच शक्तीशाली आहे हे छोटंसं फळ, पोट साफ ठेवण्यासोबतच कॅन्सर व डायबिटीजचा करतं नाश)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
