लग्न करून फसलो असे वाटणा-या प्रत्येकास माहितच हव्या या गोष्टी,घटस्फोटाची वेळच येणार नाही

सेक्शुअल डिफरंस

हेल्दी रिलेशनशिपसाठी फिजिकल इंटिमसी देखील तितकीच जास्त गरजेची असते. पण पती-पत्नीमध्ये जर सेक्शुअल डिफरेंस असतील तर त्यामुळे अनेक समस्या निर्माण होऊ लागतात. विशेषत: स्त्रिया मुल झाल्यानंतर फिजिकल इंटिमसीमध्ये कमी रस घेतात, ज्यामुळे पती-पत्नीमध्ये समस्या सुरू होतात. अशा परिस्थितीत कोणत्याही प्रकारच्या सेक्शुअल डिफरेंसचा सामना करण्यापूर्वी जोडप्यांनी एकमेकांशी मोकळेपणाने बोलले पाहिजे. यामुळे जोडप्यांमधील शारीरिक आणि भावनिक बंध पुन्हा प्रस्थापित होऊ शकतात.
(वाचा :- त्या मुलीच्या भूतकाळाची काळी बाजू माहीत असूनही मी तिला प्रपोज करण्याचं धाडस केलं, पण पुढे जे झालं ते धक्कादायक)​

श्रद्धा आणि मुल्ये

प्रत्येक व्यक्ती वेगळी असते यात शंका नाही. प्रत्येकाची विचारसरणी पूर्णपणे वेगळी असते. अशा परिस्थितीत नात्यात मतभेद होणे अगदी सामान्य गोष्ट आहे. विशेषत: जर पती वेगळ्या धर्माचा असेल आणि पत्नी वेगळ्या धर्माची असेल, तर दोघांमधील श्रद्धा आणि मूल्यांमध्ये फरक अपरिहार्यपणे येतो. या समस्येवर एकच उपाय आहे, तुम्ही दोघेही परस्पर समंजसपणाने या नात्यात पुढे जा. दोघांनी एकमेकांच्या भावना समजून घ्या. स्वतंत्र व्यक्ती म्हणून असलेल्या हक्कांचा आणि अधिकारांचा आदर करा.

(वाचा :- प्रेमात केलेली ‘ही’ एक चूक येऊ शकते चांगलीच अंगलट, ढसाढसा रडल्यानंतरही पार्टनर करणार नाही भावनांचा आदर व किंमत)​

तणाव आणि मत्सर

तणाव आणि मत्सर ही वैवाहिक जीवनातील समस्यांची प्रमुख कारणे आहेत. कारण आर्थिक-कौटुंबिक आणि व्यावसायिकदृश्य कारण नसतानाही जोडप्यांमध्ये तणाव निर्माण होतो. त्याच वेळी, मत्सर देखील विवाहित नातेसंबंध बिघडवू शकतो. अती ईर्ष्यावान जोडीदारासोबत राहणे आव्हानात्मक असू शकते. एका मर्यादेपर्यंत हे सर्व ठीक आहे, पण जेव्हा मत्सराचा अतिरेक होतो, तेव्हा नको तितका ताणही येतो. या तणावावर मात करण्यासाठी, त्याचे व्यवस्थापन करण्यास शिका. जर तुम्ही दोघे मिळून ही समस्या सोडवू शकत नसाल तर नक्कीच मानसोपचारतज्ज्ञाची मदत घ्या.
(वाचा :- ‘मी दिया मिर्झा शपथ घेते’ ओठांवर ओठ टेकून प्रेम व्यक्त करत मराठमोळ्या शब्दांत पतीचा स्वीकार,चाहत्यांकडून कौतुक)​

एकमेकांना बदलण्याचा प्रयत्न करणे

तुमच्या आवडत्या व्यक्तीला ते जसे आहेत तसे स्वीकारा. पण काही लोकांना हे समजत नाही. ते आपल्या सोयीनुसार जोडीदाराला बदलण्याचा प्रयत्न करत असतो. पण लक्षात ठेवा, तुम्ही जितका तुमचा जोडीदार बदलण्याचा प्रयत्न कराल तितका तो त्याच्याविरुद्ध बंड करेल. तुमच्यात वाद होतील. तुम्ही त्याच्यावर नियंत्रण ठेवत आहात असे त्याला वाटेल. यामुळे तुमच्या दोघांमध्ये त्रास तर होईलच पण नातं पूर्वीसारखं राहणार नाही.
(वाचा :- प्रेमात पडण्याआधी समजून घ्या ग्रीन फ्लॅग म्हणजे काय.? या 5 संकेतावरूनच ओळखाल लग्न करण्यालायक आहे का तुमची निवड)​

स्वार्थी वागणूक

पती-पत्नीचे नाते समान असते. यापैकी कोणी एक जरी स्वार्थी राहिला तर नात्यात कटुता निर्माण होऊ शकते. एक जोडीदार थोडासा स्वार्थी असेल तर ठीक आहे, पण अधिक स्वार्थी असणाऱ्या जोडीदारासोबत राहणे कोणालाही कठीण असते. याला सामोरे जाण्याचा उत्तम मार्ग म्हणजे एकमेकांचा दृष्टीकोन समजून घेणे. तुमच्या आवडीशिवाय इतरांचे हित समजून घेण्याचा देखील प्रयत्न करा. नाते हे दोघांचे असते आणि त्यामुळे आपला स्वार्थ इथे काही कामाचा नाही आणि यामुळे नाते कायमचे बिघडेल हे लक्षात ठेवा.
(वाचा :- सावधान..! ही 3 लोकं दुस-याचा पार्टनर हिरावून घेण्यात असतात माहीर, मित्र-मैत्रीण बनून उद्धवस्त करतात सुखी संसार)​