आफ्रिकेच्या गोलंदाजांची बेदम धुलाई; संजूनं असा विक्रम केला की द्रविड मागे पडले…

लखनऊ: भारत विरुध्द दक्षिण आफ्रिका यांच्यातील पहिला वनडे सामना ६ सप्टेंबर रोजी खेळवण्यात आला. या अखेरपर्यंत रंगलेल्या अटीतटीच्या सामन्यात भारताला पराभव पत्करावा लागला. भारताच्या बी टीमला देखील फिल्डींगमध्ये सुधारणा करण्याची गरज आहे. फलंदाजीमध्ये श्रेयस अय्यर आणि संजू सॅमसनने उत्कृष्ट खेळी केली. संजू सॅमसनने नाबाद ८६ धावांची फटकेबाजी करत भारताला विजय मिळवून देण्याचा प्रयत्न केला पण तो अयशस्वी राहिला. पण त्याच्या या खेळीने भारताचे मुख्य प्रशिक्षक राहुल द्रविड यांचा एकदिवसीय सामन्यातील रेकॉर्ड मोडला आहे.

संजू सॅमसनने दक्षिण आफ्रिकेविरुद्ध सुरू असलेल्या तीन सामन्यांच्या वनडे मालिकेतील पहिल्या सामन्यात आपल्या उत्कृष्ट फलंदाजीने क्रिकेट चाहत्यांची मने जिंकली. संजू सॅमसनला प्रथमच भारतीय भूमीवर एकदिवसीय आंतरराष्ट्रीय सामना खेळण्याची संधी मिळाली आणि या सामन्यात त्याने आपल्या एकदिवसीय कारकिर्दीतील सर्वोत्तम खेळीही खेळली आणि या खेळीच्या जोरावर त्याने माजी अनुभवी फलंदाज राहुल द्रविडचा विक्रमही मोडला आणि ऋषभ पंतआ देखील मागे सोडले आहे. मात्र, संजूच्या संघर्षपूर्ण खेळीनंतरही या सामन्यात भारताचा ९ धावांनी पराभव झाला.

सॅमसनने तोडला द्रविडचा रेकॉर्ड

या सामन्यात संजू सॅमसनने ६३ चेंडूत ३ षटकार आणि ९ चौकारांच्या मदतीने नाबाद ८६ धावा केल्या. या खेळीनंतर, तो दक्षिण आफ्रिकेविरुद्धच्या धावसंख्येचा पाठलाग करताना भारतासाठी एकदिवसीय क्रिकेटमधील दुसरा सर्वोच्च फलंदाज बनला आणि राहुल द्रविडला मागे टाकले. संजू आता दुसऱ्या क्रमांकावर आला आहे तर द्रविड तिसऱ्या क्रमांकावर घसरला आहे. एकदिवसीय सामन्यांमध्ये धावांचा पाठलाग करताना, भारतासाठी प्रोटियाविरुद्ध (दक्षिण आफ्रिका) पराभूत झालेल्या सामन्यात सर्वात मोठी खेळी खेळण्याचा विक्रम विराट कोहलीच्या नावावर आहे आणि त्याने २०११ मध्ये झालेल्या सामन्यात ही खेळी खेळली होती.

भारत धावांचा पाठलाग करताना, पराभूत झालेल्या सामन्यात दक्षिण आफ्रिकेविरुद्ध वनडेतील सर्वात मोठी खेळी खेळणारे अव्वल तीन फलंदाज-

८७* धावा – विराट कोहली (२०११)
८६* धावा – संजू सॅमसन (२०२२)
७१* धावा – राहुल द्रविड (२००१)

ऋषभ पंतलाही मागे टाकले

दक्षिण आफ्रिकेविरुद्ध यष्टिरक्षक म्हणून भारतासाठी एकदिवसीय क्रिकेटमधील सर्वात मोठी खेळी खेळण्याच्या बाबतीत संजू सॅमसन दुसरा आला आणि त्याने ऋषभ पंतचा विक्रम मोडला. याआधी, ऋषभ पंत हा फलंदाज होता ज्याने यष्टिरक्षक म्हणून प्रोटीज विरुद्ध भारतासाठी दुसरी सर्वोच्च खेळी खेळली होती, परंतु तो तिसऱ्या क्रमांकावर आला होता. या बाबतीत भारताचा माजी कर्णधार आणि यष्टिरक्षक एमएस धोनी पहिल्या क्रमांकावर आहेत.

दक्षिण आफ्रिकेविरुद्ध एकदिवसीय सामन्यात भारतीय यष्टीरक्षकाची सर्वोत्तम धावसंख्या-

९२* धावा – एमएस धोनी
८६* धाव – संजू सॅमसन
८५ धावा – ऋषभ पंत
७७ धावा – राहुल द्रविड