नॅक मूल्यांकन प्रक्रिया न करणाऱ्या कॉलेजांचे प्रवेश बंद

राजभवन येथे राज्यातील विद्यापीठांच्या कुलगुरूंच्या संयुक्त मंडळाची बैठक राज्यपाल भगतसिंह कोश्यारी यांच्या अध्यक्षतेखाली संपन्न झाली. या बैठकीला उच्च व तंत्रशिक्षणमंत्री चंद्रकांत पाटील, उच्च व तंत्रशिक्षण विभागाचे प्रधान सचिव विकासचंद्र रस्तोगी, तंत्रशिक्षण संचालक डॉ. अभय वाघ, उपसचिव अजित बाविस्कर, उच्चशिक्षण संचालक डॉ. शैलेंद्र देवळाणकर, शैक्षणिक शुल्क समितीचे अध्यक्ष विजय अचलिया आणि सर्व विद्यापीठांचे कुलगुरू उपस्थित होते.

राज्यातील विद्यापीठ आणि कॉलेजांच्या परीक्षा ३१ मेपर्यंत पूर्ण होतील, याचे नियोजन विद्यापीठांनी करावे. तसेच ३० जूनपर्यंत निकाल जाहीर करावेत. जून, जुलैमध्ये सीईटी परीक्षा, निकाल आणि प्रवेश प्रक्रिया पूर्ण करून १ ऑगस्टपासून नवीन शैक्षणिक वर्ष सुरू करण्यासाठी वेळापत्रकाचे नियोजन करावे. त्यातून विद्यार्थ्यांना राज्याबाहेर आणि देशाबाहेर असलेल्या उच्च व तंत्रशिक्षणाच्या संधी अधिक उपलब्ध होण्यास मदत होईल आणि विद्यार्थ्यांचा मानसिक त्रासही कमी होईल’, असेही पाटील यांनी नमूद केले.

विद्यापीठाने नवीन शैक्षणिक धोरणाची अंमलबजावणी करून नवीन संकल्पना आणि नावीन्यता यावर विशेष लक्ष केंद्रित करणे गरजेचे आहे, असे आवाहन राज्यपाल भगतसिंह कोश्यारी यांनी केले.

Maharashtra Scholarship Results: शिष्यवृत्ती परीक्षांचे अंतिम निकाल जाहीर

परदेशी विद्यापीठासंदर्भात यूजीसीचे निर्देश

भारतात शाखा उघडणाऱ्या परदेशी विद्यापीठांना ऑनलाइन वर्ग घेण्याची परवानगी दिली जाणार नाही. यूजीसीचे प्रमुख एम जगदेश कुमार यांनी यासंदर्भात माहिती दिली आहे. भारतात कॅम्पस उभारणाऱ्या परदेशी विद्यापीठांना त्यांची स्वतःची प्रवेश प्रक्रिया आखण्याचे स्वातंत्र्य असेल असे त्यांनी स्पष्ट केले.

यूजीसीचे अध्यक्ष एम जगदेश कुमार यांनी दिलेल्या माहितीनुसार, परदेशी विद्यापीठांना भारतात कॅम्पस स्थापन करण्यासाठी विद्यापीठ अनुदान आयोगाच्या मंजुरीची आवश्यकता असेल. यासाठी प्रारंभिक मान्यता १० वर्षांसाठी असेल. देशामध्ये कॅम्पस असलेली परदेशी विद्यापीठे केवळ फिजिकल मोडमध्ये पूर्णवेळ अभ्यासक्रम घेऊ शकतात आणि ऑनलाइन किंवा दूरस्थ शिक्षण देऊ शकत नाहीत यावरही त्यांनी भर दिला. या विद्यापीठांना त्यांची स्वतःची प्रवेश प्रक्रिया आणि शुल्क संरचना तयार करण्याचे स्वातंत्र्य असेल, असे एम जगदेश कुमार म्हणाले.

वर्षभरात विद्यार्थ्यांना केवळ विलंबाचाच फटका, उच्च शिक्षण क्षेत्रातील महत्वाच्या घडामोडी जाणून घ्या