अभिनेत्री मानवी गागरूचे ‘शुभमंगल सावधान’, कॉमेडियन कुमार वरूणशी बांधली लग्नगाठ

​रेड एम्ब्रॉयडरी साडीमधील सौंदर्य​

मानवीने आपल्या लग्नासाठी लाल रंग निवडला होता. सध्याच्या ट्रेंडिंग पेस्टल रंगापेक्षा वेगळा रंग असून तिने यावर मॅचिंग दुपट्टाही घेतला होता. नव्या नवरीचा चेहरा अगदी पाहण्यासारखा होता. लाल रंगाच्या या साडीमध्ये मानवीचे सौंदर्य खुलून आले होते.

​साधे पण एलिगंट दागिने​

अत्यंत साधा पण तरीही एलिगंट आणि क्लासी लुक मानवीचा दिसून येत आहे. तिने आपल्या या साडीसह पोलकी दागिने घातले असून अगदी साधा मांगटिका लावला आहे. बोजड दागिने न घालता अगदी कमी दागिन्यांमध्ये मानवीने लुक पूर्ण केला आहे.

(वाचा – घटस्फोटाच्या चर्चेनंतर साडीच्या अनारकलीत मानसी नाईकचा खास अंदाज, हातभर चुड्याने वेधले लक्ष)

​मॉडर्न ब्रायडल लुक​

मानवीने आपले केस मोकळे ठेऊन त्यासह अत्यंत मिनिमल मेकअप केला आहे. नैसर्गिक मेकअपमुळे मानवीचे सौंदर्य अधिक आकर्षक दिसत आहे. इतकंच नाही तर लग्नाच्या आनंदामुळे तिच्या चेहऱ्यावर एक वेगळीच चमकही पाहायला मिळत आहे.

(वाचा – अरूंधतीचा वेगळाच मराठमोळा साज, पुरस्कार सोहळ्यासाठी शिवला लग्नातील साडीचा खास ड्रेस)

​कुमार वरूणचा साजेसा लुक ​

मानवीच्या ब्रायडल लुकला साजेसा असा लुक कुमार वरूणने केला होता. आयव्हरी शेरवानी आणि व्हाईट पँट त्यावर मोत्याचे दागिने असा रूबाबदार लुक होता. दोघांनीही एकमेकांकडे प्रेमाने पाहात दिलेली पोझ खूपच सुंदर दिसत आहे.

(वाचा – सिद्धार्थची कियारावरून नजरच हटेना, कियारा म्हणतेय काहीतरी वेगळी अशी विशेष होती ती रात्र)

​वॅलेंटाईनच्या दिवशी केली होती घोषणा​

आपण कुमार वरूणला डेट करत असल्याची घोषणा सोशल मीडियावर वॅलेंटाईनच्या दिवशी मानवीने केली होती. तर एकाच आठवड्यानंतर कोर्ट मॅरेज करत तिने आपल्या चाहत्यांना नक्कची सुखद धक्का दिला आहे. मानवीची ही फॅशन अत्यंत मनमोहक असून तिच्यावरून नजर हटत नाहीये.