अभिषेक पाठक ‘खुदा हाफिज’ फेम शिवालिका ओबेरॉयसोबत अडकला लग्नबंधनात!

Abhishek Pathak Shivaleeka Oberoi Wedding : बॉलिवूडमध्ये लगीनघाई सुरु झाली आहे. अथिया शेट्टी-केएल राहुलनंतर सिद्धार्थ मल्होत्रा आणि कियारा आडवाणीने लग्न केलं आहे. अशातच आता ‘खुदा हाफिज’ फेम शिवालिका ओबेरॉय (Shivaleeka Oberoi) आणि ‘दृश्यम 2’चा (Drishyam 2) दिग्दर्शक अभिषेक पाठक (Abhishek Pathak) लग्नबंधनात अडकले आहेत. 9 फेब्रुवारीला गोव्यात त्यांचा शाही विवाहसोहळा पार पडला. 

अभिषेक-शिवालिकाच्या लग्नसोहळ्यात सेलिब्रिटींची मांदियाळी

अभिषेक पाठक आणि शिवालिका ओबेरॉयच्या लग्नसोहळ्यात अनेक बॉलिवूड सेलिब्रिटींनी हजेरी लावली होती. अमन देवगण, अजय देवगण, कार्तिक आर्यन, नुसरत भरुचा, विद्युत जामवाल, सनी सिंह, भूषण कुमार, लव रंजन आणि इशिता राज शर्मासह अनेक सेलिब्रिटींनी अभिषेक आणि शिवालिकाच्या लग्नसोहळ्यात हजेरी लावली होती. 

शिवालिका आणि अभिषेकने शेअर केला फोटो

नवविवाहित जोडप्याने अर्थात शिवालिका ओबेरॉय आणि अभिषेक पाठकने सोशल मीडियावर लग्नसोहळ्यातील एकमेकांसोबतचे फोटो शेअर करत चाहत्यांना आनंदाची बातमी दिली आहे. फोटो शेअर करत त्यांनी लिहिलं आहे, “प्रेम हे सापडत नसतं तर ते तुम्हाला शोधत असतं. 9 फेब्रुवारी 2023 रोजी आम्ही कुटुंबीय आणि जवळच्या मित्रमंडळींच्या उपस्थितीत लग्नबंधनात अडकलो आहोत. आयुष्याच्या या नव्या प्रवासाची सुरुवात करताना आम्हाला तुमच्या प्रेमाची आणि आशीर्वादाची गरज आहे”. सध्या सोशल मीडियावर त्यांचे फोटो व्हायरल होत आहेत. 

अभिषेक आणि शिवालिकाच्या आगामी प्रोजेक्टबद्दल जाणून घ्या… 

अभिषेकसाठी 2022 हे वर्ष खूपच खास होतं. अभिषेकचा ‘दृश्यम 2’ हा सिनेमा प्रेक्षकांच्या पसंतीस उतरला. या सिनेमाने बॉक्स ऑफिसवर चांगलाच धुमाकूळ घातला. या सिनेमात अजय देवगण, श्रिया सरन, तब्बू, अक्षय खन्ना आणि इशिता दत्ता मुख्य भूमिकेत होते. निशिकांत कामतचा 2015 साली आलेल्या ‘दृश्यम’ सिनेमाचा हा सीक्वेल आहे. तर दुसरीकडे शिवालिका ओबेरॉयने ‘ये साली आशिकी’च्या माध्यमातून बॉलिवूडमध्ये पदार्पण केलं आहे. तसेच ‘खुदा हाफिज’मध्ये देखील तिच्या अभिनयाची झलक पाहायला मिळाली आहे. ‘खुदा हाफिज’ची निर्मिती अभिषेकने केली आहे. याच सिनेमाच्या शूटिंगदरम्या अभिषेक आणि शिवालिकाची मैत्री झाली. पुढे या मैत्रीचं रुपांतर प्रेमात झालं. अखेर आता ते लग्नबंधनात अडकले आहेत. 

संबंधित बातम्या

Sidharth Malhotra Kiara Advani Wedding: कियारा आणि सिद्धार्थच्या लग्नानंतर सोशल मीडियावर मीम्सचा पाऊस; नेटकरी म्हणाले, ‘कबीर सिंह…’