लाखो-करोडोंची मालकिन असलेल्या ‘या’ महिलेने स्वत:च्याच मुलांना दिलं असं आयुष्य, सर्वच पालकांसाठी मोठा धडा..!

Edited By Pratiksha More | महाराष्ट्र टाइम्स.कॉम | Updated:Feb 25, 2022, 03:15PM IST

फार कमी पालक असतात जे आपल्या मुलांचा चांगला सांभाळ व्हावा म्हणून आपलं सर्वस्व पानाला लावतात. काही पालकांना वाटतं की केवळ मुलांसाठी पैसा कमावला, त्यांना चांगल्या शाळेत घातलं, हवं नको ते दिलं म्हणजे आपण चांगले पालक होय. पण असे मुळीच नसून एक जबाबदार पालक बनणे हे या सर्व गोष्टींपेक्षा कित्येक पटीने वेगळे आहे. मात्र आजच्या अनेक पालकांना हीच गोष्ट कळत नाही की आपल्या मुलांचे योग्य संगोपन कसे करावे. इन्फोसिसचे सह-संस्थापक एन आर नारायण मूर्थी (narayan murthy) यांच्या पत्नी सुधा मूर्थी (sudha murthy) यांनी पालकांच्या मनातील हा संभ्रम दूर करण्यासाठी काही खास पॅरेंटिंग टिप्स शेअर केल्या. ज्या नक्क्कीच एक पालक म्हणून तुमच्या कामी येतील. त्या भारतातील सर्वात श्रीमंत उद्योजक घराण्यांपैकी एक असणाऱ्या घराण्याचा सांभाळ करतात. त्यांना स्वत:ला दोन मुले आहेत आणि आपल्या स्वअनुभवातून त्यांनी या टिप्स शेअर केल्या आहेत.

मुलांना स्पेस द्या

सुधा मूर्थी म्हणतात आजची मुलांची पिढी पूर्वी सारख्या मुलांसारखी नाही जे आई वडिलांची प्रत्येक गोष्ट ऐकतील. लहान वयापासूनच त्यांना स्वत:चा एक विचार असतो. त्यांच स्वत:च एक मत असतं. अशावेळेस एक पालक म्हणून त्यांनी बाजू आपण समजून घेण, त्या मताचा आदर करणे अत्यंत महत्त्वाचे आहे. त्यांच्या प्रत्येक गोष्टीत लुडबुड केल्याने किंवा आपल्याला हवं तसचं त्यांनी वागावं ही सक्ती करणे तुम्हाला त्यांच्या नजरेत एक वाईट आई बाप बनवू शकतं. म्हणून मुलांना स्पेस द्यायला शिका. त्यांना स्पेस द्या आणि बघा कोणताही निर्णय घेण्यापूर्वी ते एकदा नक्कीच तुम्हाला येऊन विचारतील.

(वाचा :- परदेशात सुद्धा ‘या’ इंडियन नावांसाठी दिवाने आहेत लोक, अशी युनिक व मॉर्डन भारतीय नावं जी इंग्रजांनाही खूप आवडतायत..!)

उहाहरण सेट करा

सुधाजी म्हणतात मुलांवर जेवढी जास्त सक्ती कराल तेवढे मुल तुमच्या हातून निघून गेले समजा. कोणतीही सवय व कोणतीची गोष्ट त्याच्य्यावर थोपवण्याचा प्रयत्न करू नका. या उलट ती त्याला समजावून सांगा किंवा सर्वात बेस्ट मार्ग म्हणजे त्याच्या समोर एक्साम्पल सेट करा. त्याच्या समोर असे उदाहरण निर्माण करा की स्वत:हून ते मुल म्हटलं पाहिजे की मला हे करायचं हे किंवा मला हे पटलं आहे आणि मी असं करेन.

(वाचा :- या सेलिब्रेटींनी आपल्या मुलांची नावे ठेवली आहेत एकदम युनिक व मॉर्डन, तुम्हीही मुलांसाठी यातील नावे निवडू शकता..!)

साधी राहणी

सुधा मूर्थी पुढे असं देखील म्हणतात की मुलांना लहानपणापासूनच साधी राहणी उच्च विचार सरणी या तत्वावर चालायला शिकवा. त्यांची स्वत:ची संपत्ती करोडो रुपयांची आहे पण त्यांनी कधीच आपल्या मुलांना त्या पैश्याची उधळपट्टी करू दिली नाही किंवा तसे शिकवले नाही आणि त्याबद्दल त्यांचे अनेकजण कौतुक करतात. त्यांची दोन्ही मुले इतकी नम्र आहेत की त्याचे पूर्ण श्रेय त्यांच्या पालकांना जाते आणि खास करून सुधा मूर्थी यांचा यामध्ये मोलाचा वाटा आहे.

(वाचा :- घरात होईल सुख, समृद्धी व धनाची बरसात, बाळाला ठेवा सध्या प्रसिद्ध होत असलेली संतोषी मातेची ‘ही’ युनिक व मॉर्डन नावे!)

शेअरिंग शिकवा

याबाबत एक अनुभव शेअर करताना सुधा मूर्थी म्हणाल्या की जेव्हा त्यांच्या मुलाचा वाढदिवस होता तेव्हा त्यांनी आपल्या मुलाला सांगितले की 50,000 रुपये बर्थ डे पार्टी वर खर्च करण्यापेक्षा अगदी छोटी पार्टी कर आणि उरलेले पैसे हे आपले जे ड्रायव्हर काका आहेत त्यांच्या मुलांच्या शिक्षणासाठी दे. पण तो मुलगा लगेच तयार झाला नाही. पण सुधा मूर्थी यांनी समजावल्यावर तो तयार झाला. पुढे काही वर्षांनी जेव्हा तो स्वत: स्कॉलरशिप जिंकून आला तेव्हा म्हणाला की हे पैसे 2001 च्या संसद हल्ल्यात शहीद झालेल्या सैनिकांसाठी देऊयात. यातून एवढेच सांगायचे आहे की मुलांना पैसे, प्रेम, दया, अशा सगळ्या गोष्टी शेअर करायला शिकवा. बघा एक चांगला व्यक्ती म्हणून त्यांची घडण होते की नाही ते!

(वाचा :- लोखंडासारखी मजबूत व टणक बनतील मुलांची हाडे, फक्त खाऊ घाला ‘हा’ एकदम स्वस्तातला पदार्थ..!)

मुलांना प्रेशर देऊ नका

एक गोष्ट सुधाजी यांनी कधीच केली नाही ती म्हणजे आपल्या मुलांवर प्रेशर टाकणे. तू एवढेच मार्क्स मिळव, तुझा हाच नंबर आला पाहिजे, हे असंच कर, हे तसचं कर असा तगादा त्यांनी कधीच आपल्या मुलांच्या मागे लावला नाही. हीच गोष्ट त्या इतर पालकांना सुद्धा न करण्यास सांगतात. मुलांना त्यांच्या परीने गोष्टी करू द्या. फेल होतायत तर होऊ द्या. पण त्यांना प्रेशराईज करू नका. यातून आपण त्यांना आत्मविश्वास संपवत असतो. त्यांना स्वत:च्या गोष्टी स्वत: शोधू द्या. प्रत्येक मुलात गुणवत्ता असते आणि ती त्याची त्यालाच कळते. (फोटो साभार : instagram)

(वाचा :- लहान मुलांमध्ये दिसू लागली आहेत ओमिक्रॉनची ‘ही’ 3 गंभीर व भयंकर लक्षणं, डॉक्टरही आहेत प्रचंड चिंतीत व हतबल..!)