तांदळाच्या पाण्याचे फायदे
![तांदळाच्या पाण्याचे फायदे](https://static.langimg.com/thumb/67144443/Maharashtra Times.jpg?width=540&height=405&resizemode=75)
तांदळामध्ये कार्बोहायड्रेसचे प्रमाण अधिक असते. वजन कमी करण्याच्या नादात अनेक जण तांदूळ आपल्या आहारातून दूर करतो. मात्र यातील कार्बोहायड्रेट केसांसाठी अत्यंत उपयुक्त ठरते.
- यामध्ये इनोसिटोल असून खराब झालेल्या केसांना चांगले पोषण देण्याचे काम करते आणि केसांचा विकास अधिक चांगला करण्यास मदत करते
- तांदळाच्या पाण्यात असणारा पीएच स्तर हा केसांच्या पीएच स्तरासमान असतो, त्यामुळे केसगळती आणि केस तुटण्यापासून बचाव होण्यास मदत मिळते
- तसंच तांदळाच्या पाण्यामध्ये विटामिन बी, ई असल्याने केसांना योग्य पोषण मिळते आणि तुटत नाहीत
- डोक्याच्या त्वचेला यामुळे आराम मिळतो आणि सूज कमी होते. कोंडा कमी करून केसांच्या टेक्स्चरमध्ये सुधारणा आणण्यास फायदा मिळतो
कसे बनवाल केसांसाठी कोरियन तांदळाचे पाणी
![कसे बनवाल केसांसाठी कोरियन तांदळाचे पाणी](https://static.langimg.com/thumb/67144443/Maharashtra Times.jpg?width=540&height=405&resizemode=75)
- एक कप पाणी व्यवस्थित धुवा आणि त्यात दोन कप पाणी घाला
- साधारण रात्री धुतले असतील तर ४-५ तासांसाठी तसंच ठेवा अथवा जास्त काळ ठेवल्यास उत्तम
- हे पाणी गाळून घ्या आणि स्प्रे बाटलीत भरा
- कोरड्या केसांवर हे पाणी स्प्रे करा आणि हलक्या हाताने मसाज करा
- १०-१५ मिनिट्स तसंच ठेवा आणि मग थंड पाण्याने केस धुवा
(वाचा – केसांवर ३ पद्धतीने करा मेथी दाण्यांचा वापर, हेअरफॉल आणि कोंड्यापासून मिळेल सुटका)
तांदळाच्या पाण्यासह वापरा हे पदार्थ
![तांदळाच्या पाण्यासह वापरा हे पदार्थ](https://static.langimg.com/thumb/67144443/Maharashtra Times.jpg?width=540&height=405&resizemode=75)
आवळा – तुम्ही तांदळाच्या पाण्यात आवळा मिक्स करू शकता. यामध्ये विटामिन सी अधिक प्रमाणात असून केसांना पोषण देण्यासाठी उपयुक्त ठरते. केसांची वाढ चांगली होऊन केसगळती कमी करण्यास मदत करते
मेथीचे दाणे – मेथी दाण्यात प्रोटीन असून केसांना मजबूती मिळते. तांदळाच्या पाण्यात मिक्स करून याचा फायदा अधिक मिळतो
(वाचा – मोहरीचे तेल आणि कडिपत्त्याचे समीकरण केसांसाठी ठरते फायदेशीर, कसे वापरावे घ्या जाणून)
किती वेळा उपयोग करावा?
![किती वेळा उपयोग करावा?](https://static.langimg.com/thumb/67144443/Maharashtra Times.jpg?width=540&height=405&resizemode=75)
कोणतीही गोष्ट गरजेपेक्षा अधिक वापरली तर नुकसानच होते. तांदळाच्या पाण्यासहदेखील हाच नियम लागू होतो. केसांची वाढ होण्यासाठी आठवड्यातून एक अथवा दोनवेळा तुम्ही तांदळाच्या पाण्याचा उपयोग करून घेऊ शकता.
टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा. वापरण्याआधी पॅच टेस्ट नक्की करून घ्या.
केसांसाठी घरगुती तेलही वापरू शकता
‘हे’ घरगुती तेल वापरून मिळवा काळे, मजबूत व घनदाट केस!