साधेपणा आणि एलिगंट लुक यांचे समीकरण म्हणजे समंथा रूथ प्रभूची स्टाईल, सौंदर्याने केले सर्वांना घायाळ

​सलवार, कुर्ता आणि दुपट्टा​

सिव्हर बॉर्डर असणाऱ्या कुर्ता, सलवार आणि गुलाबी दुपट्टा असणारा हा समंथाचा लुक सणासाठी परफेक्ट आहे. यासह ऑक्सिडाईज्ड कानातले घालून समंथाने आपला लुक पूर्ण केला आहे. यावरील स्ट्रिप्स डिझाईनमुळे तुम्हाला अधिक नव्या ट्रेंड लुकचा फील मिळेल. तर रंगाचे उत्तम कॉम्बिनेशन पाहायला मिळत आहे.

​पिंक अँड व्हाईट कॉम्बिनेशन​

परफेक्ट फ्युजन ड्रेससाठी तुम्ही अशा पद्धतीची स्टाईल कॅरी करू शकता. पिंक अँड व्हाईट कॉम्बिनेशन कधीच चुकीचे ठरत नाही. तर एखाद्या पटकन ठरलेल्या पार्टीसाठी अथवा लंच, डिनर डेटसाठीही तुम्ही समंथासारखी स्टाईल करून जाऊ शकता. यासह नैसर्गिक मेकअपचा आधार घेऊन तुमचा लुक पूर्ण करा.

( वाचा – छोटीशी साईशा भोईर फॅशन स्टाईलमध्ये देतेय अभिनेत्रींना मात, निरागसतेवर आहेत लाखो फिदा)

​कम्फर्टेबल कुर्ता आणि ऑफिस स्टाईल​

ऑफिसमध्ये तुम्हाला जर सूदिंग आणि डोळ्याला आरामदायी रंगाचे कपडे घालायचे असतील अथवा आता उन्हाळा लवकरच सुरू होईल. त्यासाठी तुम्ही समंथाच्या साकी कलेक्शनमधील ही स्टाईल नक्की फॉलो करू शकता. यासह समंथाने केलेला नॅचरल न्यूड मेकअप आणि कानात लहानशा सिल्व्हर रिंग्ज लक्षवेधी ठरत आहेत.

(वाचा – गालावर खळी डोळ्यात धुंदी, ‘फुलराणी’ प्रियदर्शिनीचा काळजाचा ठाव घेणारा लुक)

​यल्लो वनपिस विथ जॅकेट​

समंथाने घातलेला हा वनपिस आणि त्याचा रंग डोळ्यांना अत्यंत सुखद आनंद देत आहे. नैसर्गिक पिवळ्या रंगाचा हा वनपिस खूपच सुंदर असून त्यावर त्याच रंगाचे जॅकेट तुम्हाला आधुनिक लुक मिळवून देण्यास मदत करेल. ऑफिस लुक असो अथवा कोणत्याही ठिकाणी मीटिंगला जाण्यासाठी समंथाचा हा लुक तुम्ही प्रेरणा म्हणून नक्कीच करू शकता.

(वाचा – रेड लेदर जंपसूट, एअरपोर्ट लुकची अशी कमाल की चाहत्यांची मलायकावरून नजर हटेना)

​चेक्स रेड कुरता आणि पँट टाईप सलवार​

लेगिंग्जपेक्षा आता पँट टाईप सलवारची फॅशन अधिक दिसून येते. तुम्हाला थोडासा साऊथ इंडियन टच हवा असेल तर समंथाची साकी कलेक्शनची ही स्टाईल नक्कीच मदत करू शकते. गोल्डन बॉर्डर असणारा हा कुरता आणि खाली प्लेन पँट अत्यंत सुंदर दिसत आहे. एखाद्या सणासाठी तुम्ही स्टाईल कॅरी करू शकता. तुम्हाला हवं तर यावर तुम्ही मोठे गोल्डन कानातले घातल्यास अधिक आकर्षक दिसतील.

​अक्वा ब्ल्यू वनपिस​

अक्वा ब्ल्यू रंग हा डोळ्यांना खूपच थंडावा देतो. सध्या पेस्टल आणि अक्वा रंग हे अधिक ट्रेंडमध्ये आहेत. समंथाचा हा ड्रेस तुम्हीदेखील कोणत्याही पार्टीसाठी अथवा मित्रमैत्रिणींसह बाहेर जाताना वापरू शकता. निसर्गाशी मिळताजुळता असा हा रंग हवाहवासा वाटतो आणि यामध्ये तुमचे फोटोही अत्यंत सुंदर येऊ शकतात.

समंथा रूथ प्रभूचे हे लुक्स तुम्हाला कसे वाटले आम्हाला नक्की सांगा आणि तिच्या स्टाईलवरून प्रेरणा घेऊन तुम्हीही दिसा अधिक आकर्षक आणि सुंदर!

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com