मराठमोळा साज
लवकरच शिवाजी महाराजांची जयंती येत आहे आणि त्यानिमित्ताने साईशाने केलेला मराठमोळा लुक सध्या व्हायरल होत आहे. नाकात मोठी नथ, हिरवीकंच साडी आणि त्यावर काठाच्या लाल रंगाचा ब्लाऊज, कपाळी चंद्रकोर, हातात तोडे आणि हिरव्या बांगड्या, ठुशी आणि कंबरपट्टा असा साज करून हातात घेतलेली तलवार असा लुक एखाद्या टॉपच्या अभिनेत्रीलाही टक्कर देईल असाच आहे.
शिमरी नेट पार्टी गाऊन
वाढदिवसाला अथवा कोणत्याही पार्टीला अशा पद्धतीचा शिमरी नेट पार्टी गाऊन तुम्हीही कॅरी करू शकता. साईशा वयाने लहान आहे. मात्र फॅशनच्या बाबतीत ती टॉपच्या अभिनेत्रींनाही सध्या मात देत असल्याचे दिसून येत आहे. या गाऊनसह साईशाने कर्ली हेअर लुक केला असून मॅट मेकअपने पार्टी लुक पूर्ण केला आहे.
(वाचा -रेड लेदर जंपसूट, एअरपोर्ट लुकची अशी कमाल की चाहत्यांची मलायकावरून नजर हटेना)
जणू काही कोरियन हिरॉईन
ब्लॅक फुगीर हातांचा वनपिस, त्यावर ब्लॅक टोपी आणि ब्लॅक शेड्स तर पायात नेट मोजे घालून साईशाने केलेला लुक हा एखाद्या कोरियन हिरॉईनचाच भास देत आहेत. अत्यंत स्टायलिश अशा या लुककडे पाहून साईशा खरंच लहान आहे का असा प्रश्न पडू शकतो. तिच्या चेहऱ्यावरील अदा या एखाद्या अभिनेत्रीलाही मागे पाडणाऱ्या आहेत
(वाचा – गालावर खळी डोळ्यात धुंदी, ‘फुलराणी’ प्रियदर्शिनीचा काळजाचा ठाव घेणारा लुक)
गुजराती लुक
रंगबेरंगी चोळी आणि स्कर्ट असा हा लुक दसरा अथवा नवरात्रीच्या दिवसासाठी परफेक्ट आहे. साईशाचे नैसर्गिक केस खूपच मोठे असून तिने या पेहरावावर सुंदरशी हेअरस्टाईल केल्यामुळे तिच्या निरागस चेहऱ्यात अधिक भर पडली आहे. यासह तिने हात डोक्यामागे ठेवत दिलेली पोझही अत्यंत मोहक वाटत आहे. लहानशी टिकली आणि लिपस्टिकचा आधार घेत तिने लुक पूर्ण केला आहे.
(वाचा – डॅझलिंग शिमरी साडी आणि डीप नेक ब्लाऊज, काजोलच्या सौंदर्याने तरूणही घायाळ)
बाहुलीसारखी साईशा
घरात एखादी बाहुली अर्थात डॉल असते तशीच साईशा या फोटोमध्ये दिसत आहे. ब्लॅक अँड व्हाईट ड्रेस आणि त्यावर ब्लॅक फुलं, तर डोक्यात एखाद्या परिसारखा बेल्ट पाहून साईशावरून नजरच हटत नाही. याशिवाय चेहऱ्यावर असणारं गोड आणि निरागस स्माईल हे तिला अगदी बार्बी डॉलप्रमाणेच दर्शवत आहे.
क्रॉप टॉप आणि थ्री फोर्थ
घरात असल्यानंतरचा कम्फर्ट या कपड्यांमधून दिसून येत आहे. गुलाबी क्रॉप टॉप आणि थ्री फोर्थ आर्मी पँटमध्ये साईशा खूपच गोड दिसत आहे. तर तिच्यातील बालिशपणा हा तिच्या पोझवरूनही कळून येत आहे. तिच्या या नैसर्गिक गोडव्यामुळेच तिचे अनेक चाहते आहेत.
मोठमोठ्या अभिनेत्रींनाही जमणार नाही अशी स्टाईल बालकलाकार साईशा भोईरची आहे असं म्हटलं तर नक्कीच अतिशयोक्ती ठरणार नाही. तुम्ही करता का साईशाला फॉलो? कशी वाटते तुम्हाला साईशाची स्टाईल नक्की सांगा.
अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com