अशी बनवा आलं-लसूण पेस्ट ६ महिने होणार नाही खराब, बाजारातून आणण्याची पडणार नाही गरज

​कशी बनवाल आलं-लसूण पेस्ट​

• सर्वात पहिले आलं बारीक कापून घ्या
• त्यानंतर लसणीच्या पाकळ्या सोला आणि आल्याबरोबर पाण्याशिवाय तुम्ही मिक्सरमधून वाटून घ्या
• यामध्ये पाणी वा मॉईस्चर राहणार नाही याची काळजी घ्या
• बारीक पेस्ट होईपर्यंत तुम्ही वाटत राहा मात्र पाणी अजिबात घालू नका
• पेस्ट तयार झाल्यावर यात मीठ मिक्स करा आणि एक चमचा तेल घाला. मीठ आणि तेल घातल्याने पेस्ट अधिक काळ टिकते
• यानंतर पुन्हा मिक्सर फिरवा आणि टेक्स्चर क्रिमी झाले आहे का बघा. तुमची पेस्ट तयार आहे

(वाचा – Cooking Hacks: हे ५ हॅक्स वापरून घरीच बनवू शकता सॉफ्ट इडली, बॅटर बिघडत असेल तर द्या वेळीच लक्ष)

​आलं – लसूण करण्याची दुसरी पद्धत​

• आले बारीक किसून घ्या आणि त्यानंतर ते पसरवून उन्हात चांगले वाळवून घ्या. आलं सुकल्यावर ते मिक्सरमध्ये वाटा
• लसूण न सोलता धुवा आणि त्याचे पाणी काढा
• सालासकट जाडसर ही लसूण वाटून घ्या आणि मग उन्हात वाळवा
• ही लसूण सुकल्यानंतर त्याची साले काढून टाका आणि मिक्सरमध्ये वाटा
• तुमची आल्याची आणि लसणीची पावडर तयार आहे. तुम्हाला गरज असेल तेव्हा या दोन्ही पावडर एकत्र करून पाणी घालून त्याची पेस्ट करा

(वाचा – Cooking Hacks: कुकरमध्ये असा शिजवा भात होणार नाही कोरडा, सुटसुटीत आणि मोकळ्या भाताची योग्य पद्धत )

​आलं – लसूण पेस्ट कशी कराल स्टोअर​

बरेचदा प्रमाण चुकीचे घेतल्याने आलं – लसूण पेस्ट टिकत नाही. मात्र वर सांगितलेले प्रमाण घेतल्यास, तुमची आलं- लसूण पेस्ट अधिक काळ टिकते. मात्र हे स्टोअर कसे कराल हे पण जाणून घ्या.

• आलं – लसूण स्टोअर करण्यासाठी कधीही प्लास्टिक वापरू नये तर काचेची बरणी वा जार वापरावा
• लक्षात असू द्या, ही बरणी वा जार कोरडा असावा आणि एअरटाईटदेखील असावा
• पेस्ट त्यात भरल्यानंतर फ्रिजमध्ये ठेवा. ही पेस्ट साधारण ६ महिने आरामात टिकते
• दोन्ही पदार्थांच्या पावडर केल्या असतील तर तुम्ही एअरटाईट डब्यात भरून ठेवा. हे ६ महिन्यापेक्षाही अधिक काळ टिकते