लघवीत हा रंग दिसणं म्हणजे किडनीच्या कॅन्सरची सुरूवात? डॉ. सांगितली किडनीच्या कॅन्सरची 10 ठोस लक्षणं, व्हा सावध

किडनी कॅन्सरची लक्षणे

सिस्टिटिस, यूटीआय, ब्लेडर आणि प्रोस्टेट कॅन्सर, रक्त पातळ करणाऱ्यासाठी ओव्हरडोस घेणे, मुत्रमार्गात स्टोन आणि प्रोस्टेट आणि मूत्राशयाचा कर्करोग या अनेक कारणांमुळे लघवीत रक्त येऊ शकते. किडनीच्या भागात ट्यूमर किंवा गाठ, थकवा, पार्श्वभागात वेदना, अस्वस्थ वाटणे, भूक न लागणे, वजन कमी होणे, कमी ताप, हाडे दुखणे, उच्च रक्तदाब, अशक्तपणा किंवा रक्तातील कॅल्शियम जास्त असणे ही लक्षणे किडनीच्या कॅन्सरचे काही संकेत आहेत.

(वाचा :- पोटात बनतो गॅस-अ‍ॅसिडिटी? लगेच चघळा ही गोष्ट, पचनक्रिया मजबूत व डायबिटीज-कोलेस्ट्रॉलसारखे 10 आजार होतील छुमंतर)​

किडनीच्या कॅन्सरची कारणे व निदान

किडनीच्या कॅन्सरचे कोणतेही कारण ज्ञात नाही. काही जोखीम घटक आहेत, ज्यामुळे हा आजार होण्याची शक्यता वाढते. यामध्ये धूम्रपान, लठ्ठपणा, हाय ब्लड प्रेशर, कौटुंबिक इतिहास आणि रेडिएशन एक्सपोझरचा समावेश आहे. किडनी कॅन्सरची वरीलपैकी कोणतीही लक्षणे कोणाला जाणवत असतील तर त्यांनी त्वरित डॉक्टरांशी संपर्क साधावा. कॅन्सरचे निदान करण्यासाठी आणि ओळखण्यासाठी खाली दिलेल्या चाचण्या कराव्यात.
लघवीची चाचणी
रक्त तपासणी
सीटी स्कॅन
पोटाचा एमआरआय आणि ट्यूमरची बायोप्सी
किडनीच्या कॅन्सरचे वेगवेगळे टप्पे

(वाचा :- पोट साफ न झाल्याने आतडी जातात पूर्ण सडून, दुधात मिसळून प्या हा एक पदार्थ, झटक्यात बाहेर पडेल पोटातील सर्व घाण)​

किडनीचा कॅन्सर किती भयंकर आहे

हे त्याच्या टप्प्यावर अवलंबून असते. कर्करोगाचा टप्पा ट्यूमर कोणत्या जागी आहे त्यावर आणि त्याच्या आकारावर अवलंबून असतो, त्यामुळे किती लिम्फ नोड्स प्रभावित आहेत, कॅन्सर किती दूर पसरला आहे आणि तो कोणत्या टिश्यूस आणि अवयवांमध्ये पसरला आहे यावरही अवलंबून असते. सुरुवातीच्या टप्प्यातील किडनीच्या कॅन्सरमध्ये स्टेज 1 आणि स्टेज 2 कॅन्सरचा समावेश होतो, ज्यामध्ये ट्यूमर अद्याप फक्त किडनीतच असतो. प्रगत किडनी कॅन्सरमध्ये स्टेज 3 कॅन्सरचा समावेश होतो, ज्यामध्ये ट्यूमर आसपासच्या अवयवांत पसरलेला असतो. अॅडवान्स किडनी कॅन्सर हा स्टेज 4 चा कॅन्सर आहे, ज्यामध्ये कॅन्सर किडनीच्या पलीकडे इतर अवयवांमध्ये पसरलेला असतो.

(वाचा :- Cancer Early Sign : ही 5 लक्षणं ओरडून सांगतात झाली आहे कॅन्सरची सुरूवात, Stage 1 आधीच करा ही 7 कामे, वाचेल जीव)

किडनीच्या कॅन्सरवर उपाय

ट्यूमरची स्टेज आणि दर्जा, रुग्णाचे वय आणि त्यांचे सामान्य आरोग्य हे किडनीच्या कर्करोगाच्या उपचारात मोठी भूमिका बजावते. अनेक उपचार पर्याय उपलब्ध आहेत, ज्यात सर्जरी, टिश्यू कापून काढणे, रेडिएशन थेरपी, टार्गेटेड मेडिकेशन थेरपी, इम्युनोथेरपी आणि कधीकधी केमोथेरपी यांचा समावेश असतो.

(वाचा :- रोज या 5 चुका करणारे लोक खेळतायत स्वत:च्या जीवाशी जीवघेणा खेळ, दुसरी चूक अत्यंत घातक, आजच सोडा नाहीतर..!)​

कॅन्सरला रोखावा कसा

वेगवेगळ्या कॅन्सरची कारणेही वेगवेगळी असतात. किडनी कॅन्सरची कारणे आणि त्यापासून बचाव करण्याच्या उपायांवर अजून संशोधन चालू आहे. किडनीचा कॅन्सर पूर्णपणे टाळता येत नाही, परंतु काही उपायांनी त्याचा धोका कमी होऊ शकतो. धूम्रपान सोडा आणि ब्लड प्रेशर सामान्य ठेवा. शरीराचे वजन नियंत्रित ठेवा आणि भरपूर फळे आणि भाज्या खा.
(वाचा :- Cancer Survivor Story: वयाच्या 17व्या वर्षी झाला कॅन्सर, डॉक्टरांनीही मानली हार, पण या 6 पद्धतींनी जिंकली लढाई)​
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक माहितीसाठी नेहमी आपल्या डॉक्टरांचा सल्ला घ्या.