यासाठी तुम्ही आयुर्वेदिक औषधी वनस्पतींचीही मदत घेऊ शकता. तुम्हालाही प्रश्न पडला असेल की लिव्हर सिरोसिस आजार हा कसा ओळखाल? तर मंडळी, या आजारामुळे पोटाच्या उजव्या बाजूला दुखणे, उलट्या होणे, लिव्हरचा आकार मोठा होणे, कावीळ, अशक्तपणा, सांधेदुखी, ताप, पोटात पाणी भरणे, मळमळ यांसारखी लक्षणे दिसू शकतात. ही लक्षणे दिसली की तुम्ही लिव्हर सिरोसिस आजार झाला आहे हे ओळखून जा. (फोटो सौजन्य :- iStock)
कोरफड आणि आवळ्याचा रस
कोरफड आणि आवळ्याचा रस सिरोसिसमुळे होणारे लिव्हरचे नुकसान नियंत्रित करण्यासाठी फायदेशीर ठरू शकतात. अशा परिस्थितीत, तज्ज्ञ दररोज सकाळी रिकाम्या पोटी 5-5 मिली कोरफड आणि आवळ्याचा रस पिण्याचा सल्ला देत्ता. यामुळे लिव्हरला मोठा फायदा होतो असे सांगितले जाते. त्यामुळे तुम्हाला जर कधी या आजाराचा सामना करावा लागला तर अवश्य हा उपाय ट्राय करून पहा.
(वाचा :- हाडांतील प्रोटिन-कॅल्शियम अक्षरश: शोषून घेतात हे 6 पदार्थ, हाडांचा भुगा होण्याआधी करा AIIMS डॉक्टरांचे हे उपाय)
त्रिफळा
त्रिफळा ही आयुर्वेदातील एक शक्तिशाली औषधी वनस्पती आहे. त्याचे औषधी गुणधर्म लिव्हरसाठी फायदेशीर आहेत. दररोज रात्री एक चमचा त्रिफळा एक ग्लास पाण्यासोबत सेवन केल्यास लिव्हरचे नुकसान कमी होते. हा असा उपाय आहे ज्यामुळे अनेकांना आजवर फायदा झाल्याचे देखील सांगण्यात येते.
(वाचा :- Republic Day: भारतीय सैनिकांना 0 अंश तापामानात लढण्यासाठी शक्ती देते हे जेवण, नाश्त्यात दिले जातात हे 3 पदार्थ)
अर्जुनाची साल
अर्जुन हे आयुर्वेदिक गुणधर्मांनी समृद्ध एक प्रकारचे झाड आहे. त्याची साल अनेक रोग बरे करण्यासाठी वर्षानुवर्षे वापरली जाते. तज्ज्ञ याला लिव्हर सिरोसिसमध्येही गुणकारी समजतात. दररोज सकाळी आणि रात्री अर्धा ग्लास त्याचा काढा प्यायल्याने यकृताचे नुकसान कमी होण्यास मदत होते.
(वाचा :- Soaking Nut: भिजवून खा हे 5 पदार्थ एनर्जी वाढेल, थकवा व मेंदूचे रोग नष्ट होऊन चित्त्याच्या वेगाने धावेल बुद्धी)
तुळस
तुळशीच्या पानांमध्ये हेपाटो प्रोटेक्टिव्ह गुणधर्म असतात, जे लिव्हरचे नुकसान होण्यापासून वाचवतात. अशा परिस्थितीत, लिव्हर सिरोसिसमध्ये जाणकार आणि तज्ज्ञ हे तुळशीची पाने किंवा रस पिण्याचा सल्ला देतात.
(वाचा :- शौचाच्या जागी गाठ व ब्लीडिंग होते? मुळव्याध आहे की कोलोरेक्टल कॅन्सरची सुरूवात, असा ओळखा दोन्ही लक्षणांतला फरक)
लिव्हर सिरोसिसचे निदान कसे होते?
केवळ लक्षणांच्या आधारे लिव्हर सिरोसिस आहे की नाही हे सांगता येत नाही. कारण वर नमूद केलेली लक्षणे इतर काही कारणांमुळे देखील असू शकतात. अशा परिस्थितीत, तज्ज्ञ हे रक्त तपासणी, लघवी चाचणी, सीटी स्कॅन, यूएसजी करून घेण्याची शिफारस करतात.
(वाचा :- डायबिटीज व कॅन्सरचा धोका 100% वाढवतात हे 5 पदार्थ, हेल्दी समजून खाण्याची अजिबात करू नका चूक – डॉक्टरांचा सल्ला)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.