MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
डॉ. डी. वाय. पाटील मेडिकल कॉलेज, हॉस्पिटल अँड रिसर्च सेंटर (पिंपरी, पुणे) येथे कार्यरत असणाऱ्या न्यूट्रिशनिस्ट समिक्षा चोरडिया स्पष्ट करतात की, तेल आरोग्यासाठी खूप फायदेशीर आहे, कारण त्यात शरीरासाठी आवश्यक असलेले फॅट्स असतात. परंतु प्रमाणाबाहेर तेलाचे सेवन करणे हानिकारक ठरू शकते. विशेषतः जेव्हा तुम्ही किडनीचे रुग्ण असाल तेव्हा तर काळजी घेतलीच पाहिजे. हाय फॅटयुक्त तेल, कोलेस्ट्रॉल, रक्तातील साखर, रक्तदाब वाढवण्याचे काम करते, ज्यामुळे केवळ हृदयच नाही तर किडनी देखील कमकुवत होते.
ऑलीव्ह ऑईल
ऑलिव्ह ऑईल हे मोनोअनसॅच्युरेटेड फॅटमध्ये समृद्ध आहे. जे कोलेस्ट्रॉलची पातळी सुधारू शकते. त्यामुळे हृदयविकाराचा धोका कमी होतो. यासोबतच हे किडनीला आजारांपासून वाचवते. त्यामुळे आहारात शक्य असल्यास ऑलीव्ह ऑईलचा वापर करा आणि हेल्दी राहा. अनेक जण आहारातील तेलाकडे लक्ष न देता स्वत तेल वापरतात. पण असे करणे खूप घातक ठरू शकते.
(वाचा :- थंडीत सांध्याचा चिकटपणा सुकल्याने होते जीवघेणी गुडघेदुखी, या १५ भाज्या गुडघ्यातील ग्रीस वाढवून वेदना करतात दूर)
अळशीच्या बियांचे तेल
अळशी ही आयुर्वेदात खूप जास्त गुणधर्मांनी समृद्ध आहे असे सांगितले जाते. अनेक आजारांमध्ये शरीराला मदत करण्याचे काम जवस करते. किडनीच्या बाबतीत अळशीच्या बिया खूप उपयुक्त ठरतात. जर तुम्ही अळशीच्या बियांचे सेवन केले तर यामुळे किडनीचे कार्य सुधारेल आणि तुम्हाला सुद्धा किडनीमध्ये मोठा फरक दिसून येईल. जाणकार सुद्धा हा उपाय सुरक्षित असल्याचे सांगतात. त्यामुळे एकदा हा उपाय ट्राय कारून पाहण्यास हरकत नाही.
(वाचा :- 101 किलोच्या मुलाने Weight Loss साठी लढवली ही शक्कल, सिक्स पॅक्समध्ये बदलली शरीरातील सर्व चरबी, मौल्यवान टिप्स)
भाताच्या रोपाचे तेल
भाताच्या लोंबीच्या तेलामध्ये असे पदार्थ असतात जे शरीराद्वारे शोषले जाणारे कोलेस्ट्रॉलचे प्रमाण कमी करू शकतात. भाताची लोंबी कॅल्शियमचे शोषण देखील कमी करतो, ज्यामुळे किडनी स्टोन तयार होण्यास प्रतिबंध होतो. अनेकांना भाताची लोंबी किंवा रोप हे निरुपयोगी वाटतो. पण पहा, मंडळी त्याचा किती मोठा फायदा तुमच्या आरोग्याला होऊ शकतो.
(वाचा :- Diabetes Remedy : घरातील झाडांची ही पानं तोडून रोज उपाशी पोटी पाण्यात घालून प्या, कधीच वाढणार नाही Blood Sugar)
बदाम तेल
बदामाच्या तेलामध्ये मोनोसॅच्युरेटेड फॅट असते, जे लठ्ठपणा आणि रक्तातील साखर वाढण्यापासून रोखण्याचे काम करते. कारण जास्त वजन आणि रक्तातील साखरेची वाढलेली पातळी दोन्ही किडनी खराब करण्याचे काम करतात, अशावेळी बदामाचे तेल किडनीच्या रुग्णांसाठी फायदेशीर ठरू शकते. बदाम तेल तुम्हाला मार्केटमध्ये कुठेही सहज उपलब्ध होईल, फक्त खरेदी करताना ते चांगल्या गुणवत्तेचे आहे याची खात्री करून घ्यावी.
(वाचा ;- घसा व नाकात साचलेला कफ मुळापासून होईल साफ व टायफॉईड, करोनाचा धोकाही टळेल, सर्दी-खोकला सुरू होताच करा हे 5 उपाय)
सूर्यफुलाचे तेल
किडनी निरोगी ठेवण्यासाठी कमी सॅच्युरेटेड फॅट असलेल्या सूर्यफुलाच्या तेलाचे सेवन फायदेशीर ठरते. म्हणूनच तज्ज्ञ हे किडनीच्या रुग्णांना सूर्यफूल तेल वापरण्याची शिफारस करतात. जर तुम्हाला अशी काही समस्या असेल तर तुम्ही आवर्जून आहारात सूर्यफुलाच्या तेलाचा समावेश केला पाहिजे.
(वाचा :- कोलेस्ट्रॉल व ट्रायग्लिसराईड नसा आतून पोखरते व पूर्ण रक्त आटवते, हार्ट व ब्रेन अटॅक येण्याआधी सुरू करा हे उपाय)
रोज किती प्रमाणात तेलाचे सेवन करावे?
तेल कितीही आरोग्यदायी असले तरी ते नियंत्रित प्रमाणात सेवन करणे फायदेशीर ठरते. म्हणून, जाणकार म्हणतात की, तेल हे फक्त 20 ते 25 ग्रॅम किंवा 4 ते 5 चमचे नियमितपणे आहारात वापरावे. यापेक्षा जास्त तेलाचे सेवन व वापर केल्यास शरीरावर त्याचा वाईट परिणाम दिसू शकतो आणि तुमचे शरीर आजाराला निमंत्रण देऊ शकते.
(वाचा :- जेवणासोबत सॅलेड खात असाल तर थांबा नाहीतर नुकसान अटळ, न्युट्रिशनिस्टने सांगितली सॅलेड खायची योग्य वेळ आणि पद्धत)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
