Dating Apps वर मॅच शोधताना ‘या’ चुका करूच नका, अन्यथा मोजावी लागेल मोठी किंमत

आजकाल अनेक जण डेटिंग अप्स वापरतात आणि सर्रास अनोळखी लोकांवर विश्वास देखील ठेवतात. पण, याचे नंतर किती गंभीर परिणाम भोगावे लागू शकतात याची कल्पना या प्रकरणावरून येते. म्हणून Dating Apps वापरताना, डेटिंग अॅप्सच्या माध्यमातून भेटलेल्या व्यक्तीसोबत मैत्री करताना किंवा जवळीक करताना सावधगिरी बाळगणे आवश्यक आहे. महत्वाचे म्हणजे कोविडमुळे अनेक कामे ऑनलाइन होऊ लागली. लॉकडाऊन दरम्यान डेटिंग अॅप्सचा वापरही खूप वाढल्याचे अनेक रिपोर्ट्समध्ये सांगण्यात आले आहे.

सुरक्षित डेटिंग प्रोफाइल:

एका सुरक्षा फर्मच्या अहवालानुसार, ऑनलाइन डेटिंग अॅपवर डेटिंग प्रोफाइलमध्ये प्रामुख्याने तीन गोष्टी असतात. त्यात तुमचा फोटो, तुमचे नाव आणि तुमची आवड असते. यात, आपला खरा फोटो वापरा. परंतु, तो फोटो असा असावा, ज्यामुळे तुमचा पत्ता किंवा आणि इतर तपशील समोरच्याला माहित होणार नाही.

वाचा: पासवर्ड आठवतच नाहीये ? काळजी नको, पासवर्डशिवाय Unlock करा Mobile, पाहा ट्रिक्स

डेटिंग अॅपवर पूर्ण नाव कधीही वापरू नका. पडताळणीसाठी तुम्ही तुमचे नाव वापरू शकता. याशिवाय इंटरेस्ट नमूद करताना नाव वापरू नका. डेटिंग अॅपवर इन्स्टाग्रामसारखे तुमचे सोशल मीडिया खाते कधीही अटॅच करू नका. याच्या मदतीने कोणीही तुमच्याबद्दलच्या अनेक गोष्टी सहज शोधू शकतो.

फोन नंबर किंवा मेसेजिंग अॅप हँडल कधीही शेअर करू नका. डेटिंग अॅपच्या बिल्ट इन मेसेजिंग प्लॅटफॉर्मचाच वापर करा. मॅच मिळाल्यावर त्यांना लगेच सगळी माहिती सांगू नका.

तुम्ही अनोळखी व्यक्तीशी बोलत आहात हे प्रत्येक वेळी लक्षात ठेवा. नंतर तो तुमचा जीवनसाथी बनू शकतो, पण सुरुवातीला मात्र खूप सावधगिरी बाळगा. तसेच, भेटायला जायचे असल्यास पब्लिक प्लेसचाच विचार करा.

वाचा: Delhi Murder: मृतदेहाचे तुकडे फ्रीजमध्ये ठेवल्यानंतर Dating App वर नवीन मुलीच्या शोधात होता आफताब