Hidden Camera: हॉटेलच्या खोलीत कुठे आणि कसा लपवला जाऊ शकतो कॅमेरा,असे करा माहित, राहा अलर्ट

तुम्हीही जर नेहमी हॉटेल्समध्ये राहत असाल तर काही गोष्टी लक्षात ठेवल्यास अशी कोणतीही परिस्थिती टाळता येऊ शकते. जाणून घेऊया हॉटेलमध्ये रूम घेण्यापूर्वी कोणत्या गोष्टी लक्षात ठेवल्या पाहिजेत.

टू-वे मिरर टेस्ट करा:

खोलीत जाताच खोलीतील कपाटे, स्नानगृह आणि आरसे नीट तपासावेत. यासाठी सर्वोत्तम पद्धत म्हणजे टू-वे मिरर टेस्ट. ही चाचणी खूप सोपी आहे. यासाठी तुम्हाला तुमचे बोट आरशावर ठेवावे लागेल आणि बघावे लागेल की तुमचे बोट आणि त्याच्या इमेजमध्ये अंतर आहे, असे असल्यास तो सामान्य आरसा आहे. जर तुमचे बोट आणि तिची प्रतिमा एकत्र चिकटलेली असेल तर तो टू-वे मिरर आहे.

वाचा: WhatsApp वापरताना या ६ गोष्टी टाळाच, अन्यथा नेहमीसाठी होईल अकाउंट बॅन

सजावटीच्या वस्तूंमधील कॅमेरा तपासा:

कॅमेरे सहसा खोलीच्या सजावटीमध्ये लपलेले असतात. उदाहरणार्थ, कॅमेरा स्पीकर, अलार्म घड्याळ किंवा इतर कोणत्याही खोलीच्या सजावटीमध्ये लपविला जाऊ शकतो. या प्रकरणात आपल्याला खोलीत ठेवलेल्या वस्तूंचे काळजीपूर्वक परीक्षण करणे आवश्यक आहे. खोलीच्या सजावटीव्यतिरिक्त, तुम्ही तुमचा टीव्ही आणि सेट-टॉप बॉक्स देखील तपासू शकता

टीव्हीमध्ये कॅमेराही असू शकतो:

सिग्नल आणि ट्रान्समिशनसाठी टीव्ही आणि सेट-टॉप बॉक्स लाइट्स चमकत राहतात. कॅमेरा येथेही लपविला जाऊ शकतो. स्मार्टफोनच्या फ्लॅशलाइटचा वापर करून तुम्ही याची पडताळणी करू शकता. टीव्ही आणि सेट-टॉप बॉक्सवर निळे किंवा जांभळे लाइट्स दिसत असल्यास अधिक काळजी घ्या.

कॅमेरा इतर ठिकाणीही लपवला जाऊ शकतो:

तुम्ही पॉवर सॉकेट, हेअर ड्रायर आणि फायर अलार्म यासारख्या गोष्टी देखील तपासू शकता. या सर्व गोष्टी आणि ठिकाणी कॅमेरा देखील लपवला जाऊ शकतो. कधी-कधी कॅमेरा बाथरूमच्या शॉवरमध्ये लपविला जातो. तुम्ही लाइट्स बंद करून नाईट व्हिजन कॅमेऱ्यांची चाचणी घेऊ शकता. असे केल्याने कॅमेरा प्रकाश इमिट करतो आणि सहज सापडतो.

वाचा: फेस्टिव्ह सिझनमध्ये असे मिळवा Confirm Train Ticket, प्रोसेस सोपी , पाहा टिप्स