आयआयटी मद्रासने जाहीर केलेल्या निवेदनुसार, महाविद्यालयीन विद्यार्थी, व्यावसायिक आणि करियर ब्रेक घेणारे देखील यासाठी अर्ज करु शकतात. इयत्ता अकरावी आणि इयत्ता बारावीचे विद्यार्थी, महाविद्यालयीन विद्यार्थी आणि मे २०२२ च्या अभ्यासक्रमासाठी IIT मद्रास येथे नोंदणी करू शकतात.
अकरावी पूर्ण केल्यानंतर करता येईल अर्ज
जेईई अॅडव्हान्स २०२१ (JEE Advanced 2021) साठी पात्र असलेले अर्जदार मे २०२२ मध्ये थेट बीएससी डेटा सायन्स प्रोग्राम (BSc Data Science) मध्ये सहभागी होऊ शकतात. ज्या विद्यार्थ्यांनी मे २०२२ पर्यंत इयत्ता अकरावी पूर्ण केली आहे किंवा सध्या बारावीमध्ये शिकत आहेत ते मे २०२२ च्या टर्म क्वालिफायर प्रक्रियेसाठी अर्ज करू शकतात. याशिवाय ते पात्रता पूर्ण केल्यानंतर बारावीचा अभ्यास पूर्ण करू शकतात आणि त्यानंतरही अभ्यासक्रम सुरू करू शकतात.
जागांच्या संख्येवर मर्यादा नाही
आयआयटी मद्रासमध्ये होणाऱ्या बीएससी डेटा सायन्स अभ्यासक्रमासाठी रिक्त जागांच्या संख्येवर कोणतीही मर्यादा नाही. त्यामुळे यासाठी पात्र उमेदवाार अभ्यासक्रमासाठी प्रवेश घेऊ शकतात. जेईई अॅडव्हान्स २०२१ परीक्षेसाठी पात्र झालेले शिकाऊ उमेदवार थेट मे २०२२ अभ्यासक्रमामध्ये सहभागी होऊ शकतात, असे निवेदनात म्हटले आहे. मे टर्मसाठी या डेटा सायन्स प्रोग्रामसाठी अर्ज करण्याची अंतिम तारीख २० एप्रिल २०२२ आहे.
शिष्यवृत्तीही दिली जाणार
इच्छुक विद्यार्थी अधिकृत वेबसाइट onlinedegree.iitm.ac.in वर जाऊन अर्ज करू शकतात. बीएससी पात्रता प्रक्रियेसाठी आतापर्यंत ६० हजार अर्ज आले आहेत. सध्या १२, ५०० हून अधिक विद्यार्छी बीएससी अभ्यासक्रमात सहभागी होत आहेत. या अभ्यासक्रमासाठी अर्ज करणाऱ्या पात्र विद्यार्थ्यांनाही शिष्यवृत्ती दिली जाणार आहे.
अधिकृत वेबसाइटवर जाण्यासाठी येथे क्लिक करा