सॉफ्ट स्मोकी आईज मेकअप
हल्ली लग्नात हिरवी साडी अथवा पिवळी साडी हे प्रमाण कमी दिसून येतं. काही जणींना लाल रंगांची भुरळ पडलेली आहे. तुम्ही जर लग्नात तुमच्या रिसेप्शनला लाल रंगाचा शरारा वा लेहंगा घालणार असाल तर त्यासाठी तुम्ही ब्राईट मेकअपच्या ऐवजी सॉफ्ट आणि सटल मेकअप निवडा. हा मेकअप ट्रेंड सध्या चालू आहे. तुमच्या डोळ्यांसाठी पेस्टल स्मोकी आय मेकअप निवडा. असा मेकअप तुम्हाला अत्यंत सटल आणि सुंदर दिसण्यास मदत करतो. तसंच हा मेकअप २०२२ मध्ये अत्यंत ट्रेंडिंगमध्ये होता. लग्नासाठी आणि इतर कार्यक्रमांसाठीही असा मेकअप सध्या अधिक प्रमाणात निवडला जात आहे.
मिनिलम मेकअपची करा निवड
नवऱ्या मुलीच्या चेहऱ्यावर अधिकाधिक मेकअप थोपटण्याचे दिवस आता निघून गेले आहेत. क्लासी आणि सॅसी अशा पद्धतीचा मेकअप सध्या अधिक ट्रेंडमध्ये आहे. चेहऱ्याचे फिचर्स अधिक चांगले दिसावे आणि सर्वांमध्ये तुम्ही अधिक उठावदार दिसण्यासाठी जितका मेकअप लागतो तितकाच लग्नात करण्याची पद्धत आता सुरू झाली आहे. याला Minimal Makeup असे म्हणतात. यामध्ये ब्लशर, ब्राँझर आणि हायलायटरचा जास्त उपयोग करण्यात येते. व्यवस्थित मेकअप ब्लेंड केल्यानंतर नैसर्गिक रंगांचा वापर करून याचा वापर केला जातो. बाजारात सध्या नैसर्गिक फेस पॅलेटही आले आहेत. क्रिमी मॅट लिपस्टिकसह तुम्ही हा लुक पूर्ण करू शकता. लग्न दिवसाच्या वेळी असेल तर पेस्टल रंगाच्या साडीवर असा मेकअप अत्यंत आकर्षक दिसतो आणि तुमच्या चेहऱ्यावरून नजरही हटत नाही.
(वाचा -Year Ender: २०२२ मध्ये लग्नात हिट ठरल्या या फॅशन स्टाईल, जाणून घ्या स्टाईल टिप्स)
गुलाबी आणि न्यूड शेड लिपस्टिकसह नो मेकअप लुक
न्यूड शेड अथवा गुलाबी लिपस्टिकसह नो मेकअप लुक २०२२ मध्ये अधिक ट्रेंडमध्ये दिसून आला. नवरीसाठीही असा लुक चर्चेत राहिला. मेकअपसह सोडलेले व्हेवी केस आणि हलक्या वजनाचे अथवा कुंदनचे दागिने घालून तुम्ही हा लुक पूर्ण करू शकता. तुम्हाला ट्रेंडी लुक हवा असेल तर तुम्ही असा लुक नक्कीच ट्राय करू शकता.
(वाचा – वादग्रस्त लावणीक्वीन गौतमी पाटीलची फॅशनही ठरतेय सेन्सेशन, इंटरनेटवर घातलेय धुमाकूळ)
गडद काजळसह न्यूड शेड लिप कलर
लग्नाच्या साडीसह तुम्हाला ब्राईट मेकअप हवा असेल तर तुम्ही डोळ्यांकडे अधिक लक्ष देऊ शकता. यासाठी २०२२ मधील लग्नातील मौनी रॉयचा लुक तुम्ही प्रेरणा म्हणून पाहू शकता. डोळ्यांमध्ये गडद काजळ लावा आणि तुमचा लुक अधिक बोल्ड करा. विंग्ड आयलायनर, स्मोकी आयशॅडो आणि त्यासह न्यूड शेडची लिपस्टिक असा परफेक्ट लुक तुम्ही नवरी म्हणून करू शकता. यावर्षात न्यूड रंगाची अथवा गुलाबी रंगाची लिपस्टिक अधिक प्रमाणात वापरली गेल्याचे दिसून आले आहे.
(वाचा – स्वतःसाठी कसे निवडाल परफेक्ट मंगळसूत्र डिझाईन्स)
मेकअपसाठी योग्य कॉन्ट्यूरिंग
२०२२ मध्ये कॉन्ट्यूरिंगचाही ट्रेंड बराच दिसून आला. कॉन्ट्यूरिंग म्हणजे तुमच्या जॉ लाईन पासून ते नाक आणि चेहऱ्यावरील बाकी फिचर्स अधिक आकर्षक दिसण्यासाठी याचा वापर करण्यात येतो. त्यामुळे मेकअपमध्ये कॉन्ट्यूरिंगचा हल्ली जास्त वापर करण्यात येतो. यामुळे चेहऱ्याला योग्य आकार मिळतो आणि लग्नात तुमचा चेहरा अधिक आकर्षक दिसतो. तसंच तुमचं सौंदर्य अधिक सुंदर दिसतं.
२०२२ या वर्षात मेकअपचे हे ट्रेंड अधिक प्रमाणात ट्रेंडिंग दिसून आले. तसंच पुढेही नव्या वर्षात हे ट्रेंड्स राहतील आणि नवे ट्रेंड्सही येतील. पण या ट्रेंड्सचा तुम्ही वापर करू शकता.
(फोटो क्रेडिटः Instagram)