वेगळं झाल्यानंतर पहिल्यांदाच धनुषची पूर्वश्रमीच्या पत्नीसाठी खास पोस्ट, म्हणाला… | dhanush wrote special post for ex wife aishwarya rajanikant after her new song release

दाक्षिणात्य सुपरस्टार धनुष आणि ऐश्वर्या काही महिन्यांपूर्वीच वेगळे झाले आहेत. धनुषनं सोशल मीडियावर एक पोस्ट लिहून पत्नी ऐश्वर्यापासून वेगळं होत असल्याची माहिती दिली होती. या दोघांच्या नात्याची त्यावेळी बरीच चर्चा देखील झाली होती. एवढंच नाही तर दोघांच्याही चाहत्यांनाही धक्का बसला होता. मात्र धनुष आणि ऐश्वर्या यांच्या अद्याप मैत्री कायम आहे. हे त्यानं ट्विटरवर नुकत्याच शेअर केलेल्या पोस्टमुळे समोर आलं आहे. धनुषनं त्याची पूर्वश्रमीची पत्नी ऐश्वर्यासाठी एक खास पोस्ट लिहिली आहे.

धनुषपासून वेगळं झाल्यानंतर ऐश्वर्या रजनीकांत तिच्या कामावर लक्ष केंद्रित करत आहे. नुकतंच तिचं नवं गाणं ‘पयानी’ प्रेक्षकांच्या भेटीला आलं. या गाण्याचं सोशल मीडियावर बरंच कौतुक होताना दिसत आहे. अशात धनुषनं देखील या गाण्यावर प्रतिक्रिया देत ऐश्वर्यासाठी खास पोस्ट लिहिली आहे. आपल्या ट्वीटमध्ये धनुषनं लिहिलं, ‘तुझं नवीन गाणं ‘पयानी’साठी माझी मैत्रीण ऐश्वर्या तुला खूप शुभेच्छा’

आणखी वाचा- कथित गर्लफ्रेंड सबा आझादच्या फोटोवर हृतिक रोशनच्या आईची कमेंट, म्हणाल्या…