MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
हजारो विद्यार्थ्यांना दिलासा
एनएमसीने सांगितले की अनेक वैद्यकीय ग्रॅज्युएट छात्र रशिया-युक्रेन युद्धामुळे आपली इंटर्नशीप पूर्ण करू शकलेले नाहीत. या विद्यार्थ्यांची अडचण पाहता भारतातील त्यांचा इंटर्नशीपचा अर्ज योग्य मानला जाईल. यामुळे युक्रेनहून युद्धामुळे आपले शिक्षण अर्धवट सोडून परतलेल्या हजारो विद्यार्थ्यांना मोठा दिलासा मिळणार आहे.
उत्तीर्ण करावी लागेल एफएमजीई परीक्षा
एनएमसीने पुढे असेही म्हटले आहे की युक्रेनहून भारतात आलेल्या विद्यार्थ्यानी एनबीईमार्फत आयोजित एफएमजीई परीक्षा उत्तीर्ण करावी लागेल. जर विद्यार्थ्यांनी सर्व पात्रता पूर्ण केली असेल तर राज्य वैद्यकीय परिषदेकडून त्यांना एक वर्ष मुदतीच्या इंटर्नशीपसाठी अंतरिम नोंदणी दिली जाईल. एनएमसीने असंही सांगितलं की राज्य परिषदांनी याकडेही लक्ष द्यावे की विद्यार्थ्यांकडून इंटर्नशीप पूर्ण करण्यासाठी कॉलेजच्या वतीने कोणतेही शुल्क आकारले जाणार नाही. परदेथी मेडिकल पदवीधरांना मिळणारे स्टायपेंड आणि भारतातील सरकारी कॉलेजांच्या मेडिकल विद्यार्थ्यांना मिळणाऱ्या स्टायपेंडमध्ये समानता आणली जाईल, असेही या परिपत्रकात म्हटले आहे.
एफएमजीई परीक्षा कशी असते?
एफएमजीई परीक्षा म्हणजेच फॉरेन मेडिकल ग्रॅज्युएट्स एक्झामिनेशन. याचे आयोजन एनबीई (National Examination Board) करते. परीक्षा दरवर्षी दोन वेळा जून आणि डिसेंबर महिन्यात आयोजित केली जाते. जे विद्यार्थी परदेशी महाविद्यालयातून वैद्यकीय शिक्षण पूर्ण करतात, त्यांनी भारतात उच्च शिक्षण आणि प्रॅक्टिस करण्यासाठी ही परीक्षा उत्तीर्ण होणे अनिवार्य आहे. परीक्षेत उत्तीर्ण होण्यासाठी किमान ५० टक्के गुण आवश्यक असतात. यानंतर विद्यार्थ्यांना कायमस्वरुपी लायसन्स मिळते.
हेही वाचा:
Ukraineमधून परतणारे विद्यार्थी भारतात MBBS पूर्ण करू शकतील? जाणून घ्या प्लान
वैद्यकीय शिक्षण अर्धवटच राहिलं; युक्रेनहून परतलेल्या विद्यार्थ्यांना आता सतावतेय करिअरची चिंता
