‘स्टुडंट क्रेडिट कार्ड’ वर विद्यार्थ्यांना मिळणार १० लाखांपर्यंतचे कर्ज

बंगालमध्ये १ जानेवारी रोजी विद्यार्थी दिन साजरा केला जाईल. १ ते ७ जानेवारी दरम्यान विद्यार्थी सप्ताह साजरा करण्यात येणार आहे. सर्व विद्यार्थ्यांनी या योजनेचा लाभ घ्यावा, असे आवाहन मुख्यमंत्री ममता बॅनर्जी यांनी केले. पैशांअभावी अनेकांना अभ्यास करता येत नाही, मात्र आता ही अडचण येणार नाही. या सुविधेचा फायदा घ्या आणि आपले भविष्य उज्ज्वल करा असे त्या यावेळी म्हणाल्या.

रत्नागिरी जिल्हा परिषदेत भरती, ७० हजार रुपयांपर्यंत मिळेल पगार
विद्यार्थी क्रेडिट कार्डची रक्कम सहकारी बँकेतून दिली जात आहे. यासाठी राज्य सरकार त्याचे जामीन आहे. इतर बँकांनाही यासाठी कर्ज मंजूर करण्याचे आवाहन करण्यात आले आहे. यामुळे मुलांना फायदा होणार आहे. कोरोना प्रादुर्भावानंतर विकासात अडथळा निर्माण झाला आहे. विकासाला पुन्हा गती दिली पाहिजे. या पार्श्वभूमीवर बंगालमध्ये शिक्षणाचे नवजागरण असल्याचे मुख्यमंत्री म्हणाल्या.

सेंट्रल बँक ऑफ इंडियामध्ये भरती, जाणून घ्या तपशील

विद्यार्थी क्रेडिट कार्डशी संबंधित महत्त्वाची माहिती-
क्रेडिट कार्डच्या मदतीने विद्यार्थी उच्च शिक्षणासाठी १० लाख रुपयांपर्यंतचे सॉफ्ट लोन घेऊ शकतात. ४० वर्षांपर्यंतच्या व्यक्ती या योजनेसाठी पात्र आहेत.

नोकरी मिळाल्यानंतर विद्यार्थ्याला कर्जाची परतफेड करण्यासाठी १५ वर्षांचा कालावधी दिला जाईल.

राष्ट्रीय स्तरावरील स्पर्धा परीक्षांमध्ये बसण्याची तयारी करणाऱ्या विविध कोचिंग संस्थांमध्ये शिकणाऱ्या विद्यार्थ्यांनाही याचा फायदा होईल. ज्यात आयआयटी,आयआयएम, एनएलयू, आयएएस, आयपीएस, डब्ल्यूबीपीएस यांचा समावेश आहे.

पश्चिम बंगालमधील कोणताही विद्यार्थी आर्थिक मदतीअभावी शिक्षणापासून वंचित राहू नये यासाठी विविध संस्थात्मक किंवा गैर-संस्थात्मक खर्च या योजनेत समाविष्ट केले जाणार आहेत.

संरक्षण मंत्रालयात दहावी-बारावी उत्तीर्ण असणाऱ्यांना नोकरीची संधी
Bank Job 2022: बँक ऑफ बडोदामध्ये भरती, मुंबईत नोकरीची संधी