अनेकांना स्ट्रोक येण्यापूर्वी काही दिवस अगोदर डोकेदुखी तसेच शरीराच्या काही भाग सुन्न होतात किंवा मुंग्या जाणवतात. अनेकजण या त्रासाला अजिबात गांभीर्याने घेत नाही. त्यामुळे स्ट्रोक जीवावर बेततो.
स्टडीनुसार, स्ट्रोक हे जगभरातील मृत्यू आणि अपंगत्वाचे दुसरे प्रमुख कारण आहे. महत्वाचं म्हणजे भारतात अपंगत्वाचे पाचवे प्रमुख कारण आहे. अशा परिस्थितीत, नुकत्याच झालेल्या एका अभ्यासाचे निष्कर्ष तुम्हाला या किलरपासून वाचवू शकतात.
स्ट्रोकवर करण्यात आला अभ्यास
अनेकदा स्ट्रोक येण्यापूर्वी काही शारीरिक बदल जाणवतात. अनेक रूग्णांमध्ये अभ्यासा दरम्यान या गोष्टी जाणवल्या आहेत. स्ट्रोकनुसार, ४३ टक्के रूग्णांना ब्रेन अटॅक येण्याअगोदर एक आठवडा अगोदर मिनी स्ट्रोकची लक्षणे जाणवतात.
(वाचा – Kidney Stones आणि फुफ्फुसाची घाण साफ करण्यासाठी घरीच तयार करा २ पदार्थ, काही दिवसांत मिळेल आराम)
काय आहे मिनी स्ट्रोक
मायोक्लिनिकनुसार, मिनी स्ट्रोकला ट्रान्सिएंट इस्केमिक अटॅक (TIA) म्हणतात. अतिशय थोड्या वेळासाठी दिसणाऱ्या या लक्षणाला स्ट्रोकचे संकेत म्हटले जातं. मिनी-स्ट्रोक हा मेंदूला रक्तपुरवठा होण्याच्या थोड्या व्यत्ययाचा परिणाम आहे. TIA सहसा फक्त काही मिनिटे टिकते आणि कायमचे नुकसान होत नाही.
(वाचा- Flax Seeds For Diabetes : साखर कंट्रोल करण्यासाठी अळशी गुणकारी, इन्सुलिन घ्यावच लागणार नाही)
मिनी स्ट्रोकची लक्षणे
NHS च्या म्हणण्यानुसार, स्ट्रोकप्रमाणेच मिनी स्ट्रोकची लक्षणे सामान्यपणे अचानक जाणवतात. या लक्षणांना समजून घ्या.
- चेहऱ्याच्या किंवा शरीराच्या एका बाजूला पॅरालिसिस
- स्पष्ट बोलण्यास होणार त्रास
- आंधळेपणा
- डबल विझन
- चालताना तोल जाणे
- हात सुन्न होणे
- कोणतीही गोष्ट समजून घेण्यास त्रास होणे
- चक्कर येणे
(वाचा – Causes of Belly Fat: दररोज पोटावरची चरबी वाढतेय, शर्टच्या बटनातून ढेरी डोकावतेय? तुमच्या ७ चुकाच याला कारणीभूत)
मिनी स्ट्रोककरता रिस्क फॅक्टर
क्लीव्हलँड क्लिनिकच्या मते, स्ट्रोकचा कौटुंबिक इतिहास, 55 वर्षांपेक्षा जास्त वय, उच्च रक्तदाब, शारीरिक हालचालींचा अभाव, मधुमेह, हृदयविकार, धूम्रपान, लठ्ठपणा यासारख्या घटकांमुळे स्ट्रोकचा धोका वाढतो.
(वाचा – Juice For Weight Loss : लठ्ठपणामुळे सगळीकडून लोंबकळते चरबी, या ५ ज्यूसने झपाट्याने कमी होईल वजन)
कसा कराव बचाव
निरोगी जीवनासाठी संतुलित जीवनशैली असणे अत्यंत आवश्यक आहे. अशा परिस्थितीत, स्ट्रोक टाळण्यासाठी धूम्रपान टाळणे, नियमित व्यायाम, हिरव्या भाज्या आणि फळांचा संतुलित आहार, निरोगी वजन यासारख्या घटकांकडे लक्ष देणे आपल्यासाठी फायदेशीर ठरू शकते.
(वाचा – Worst Indian Breakfast : अजिबात चांगले नाहीत हे ५ इंडियन ब्रेकफास्ट, खाणाऱ्यांना जडतील भयंकर आजार))
टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.