MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
जव्हारसारख्या ग्रामीण भागातील आदिवासी युवक तांत्रिक, पदविका, पदवीधर शिक्षण घेऊन हाताला काम मिळत नसल्याने पोलीस दलात कायमस्वरूपी नोकरी मिळावी, यासाठी भरीसाठी कसून मेहनत करत आहेत. परंतु शासन आणि प्रशासन यांचा मेळ बसत नसल्याने पोलिस भरतीची प्रक्रिया सातत्याने पुढे ढकलली जात असल्याने, आदिवासी तरुण-तरुणींनी संपात व्यक्त केला आहे. आम्ही आयुष्यभर पोलीस भरतीची तयारी करत बसायचे का, असा संतप्त सवाल पोलिस भरतीपूर्व प्रशिक्षण घेणारे उमेदवार करत आहेत.
पोलीस बनण्याचे स्वप्न उराशी बाळगून हजारो उमेदवार गेल्या काही वर्षांपासून भरतीची तयारी करत आहेत. परंतु, तीन वर्षांपासून भरती झालीच नाही. वीस हजार पदांच्या भरतीची जाहिरात १ नोव्हेंबर रोजी द्यावी, असे आदेश वरिष्ठ पातळीवरून असतानाही, या आदेशाला २४ तास उलटण्यापूर्वीच प्रशासकीय कारणे पुढे करत स्थगिती देण्यात आली. त्यामुळे तयारी करणाऱ्या युवकांचा हिरमोड झाला आहे.
अनेक तरुणांचे पोलीस बनण्याचे स्वप्न आहे. ते पूर्ण करण्यासाठी भल्या पहाटे थंडीवाऱ्यात कठोर परिश्रम घेत आहेत. शारीरिक क्षमता चाचणी व पेपरचा अभ्यास करत आहेत. भल्या पहाटे थंडीवाऱ्यात कसरत करत आहेत. पण भरती निघत नसल्याने काय करायचे, असा प्रश्न निर्माण झाला आहे. वय वाढत चालले आहे, त्यामुळे अपात्र ठरण्याची टांगती तलवारही अनेकांच्या डोक्यावर आहे.
मिरा-भाईंदर महापालिकेत नोकरीची संधी, भरती प्रक्रियेविषयी जाणून घ्या
पोलीस होण्यासाठी दोन वर्षांपासून प्रशिक्षण घेत आहे. कौटुंबिक परिस्थिती हलाखीची असतानाही आई-वडील मोलमजुरी करून पैसे पुरवतात. सरकार केवळ भरतीची घोषणा करून आमच्या भावनेशी खेळत आहे.
– अजय गवळी, काशिवली, जव्हार
पूर्वी जव्हारला पोलीस भरती पूर्व प्रशिक्षण केंद्र होते. मात्र काही वर्षांपूर्वी हे केंद्र मोखाडा तालुक्यातील पळसुंडा येथे स्थलांतरित करण्यात आले आहे. त्यामुळे येथील तरुण नाराज आहेत. त्यात भरती लांबल्याने विद्यार्थ्यांचा हिरमोड झाला आहे.
– संदीप साळवे, सामजिक कार्यकर्ते, जव्हार
