आयपीएल 2022 चा शुभारंभ चेन्नई सुपरकिंग्सच्या सामन्याने, पण समोर मुंबई नाही तर ‘हा’ संघ

IPL 2022 Update: बहुचर्चित आणि बहुप्रतिक्षीत इंडियन प्रीमियर लीग (IPL) 2022 च्या सामन्यांना आता जवळपास महिनाच शिल्लक आहे. 26 मार्च रोजी आयपीएलचा पहिला सामना खेळवला जाणार असून हा सामना नेमका कोणामध्ये खेळवला जाणार याची सर्वांनाच उत्सुकता होती. शक्यतो मुंबई विरुद्ध चेन्नई यांच्यात दरवर्षी हा सामना खेळवला जातो. पण यंदा मात्र चेन्नईच्या समोर मुंबई नाही तर कोलकाता नाईट रायडर्सचा संघ असणार आहे.  संघाचा नवा कर्णधार श्रेयस पहिल्याच आयपीएल सामन्यात मैदानात उतरणार आहे. 

आयपीएलचा अंतिम सामना 29 मे रोजी खेळवला जाणार आहे. गुरुवारी झालेल्या आयपीएल गव्हर्निंग काउन्सिलच्या बैठकीत सामन्यांबाबत आणि ग्रुपबाबत निर्णय घेण्यात आला होता. त्यानंतर आज पहिला सामना केकेआर विरुद्ध सीएसके यांच्यात होणार ही माहिती समोर आली आहे. केकेआर आणि सीएसके यांच्यातील हा पहिला सामना मुंबईमध्ये खेळवला जाणार आहे. मुंबईच्या वानखेडे मैदानात हा सामना खेळवला जाणार असल्याने आयपीएल 2022 चा शुभारंभ मुंबई नगरीतून होणार आहे.

आयपीएल 2022

आयपीएल 2022 हा 15 वा हंगाम भारतामध्ये कोरोना नियमांचे पालन करुन होणार आहे. लीग स्पर्धेत 70 सामने होणार आहेत. हे सर्व सामने मुंबई आणि पुणे येथील चार ठिकाणी होणार आहेत. मुंबईतील वानखेडे मैदानावर 20, ब्रेबॉन मैदानावर 15, डीवाय पाटील मैदानावर 20 आणि पुण्यातील मैदानावर 15 सामने खेळवले जाणार आहेत. प्रत्येक संघाला समान संधी मिळेल यासाठी बैठकीत निर्णय घेण्यात आला. त्यानुसार, प्रत्येक संघाचे चार चार सामने वानखेडे आणि डीवाय पाटील स्टेडिअम या मैदानावर होणार आहे. तर प्रत्येक संघाचे तीन तीन सामने ब्रेबॉन आणि पुणे मैदानावर होणार आहेत. प्रत्येक संघ लीग स्टेजमध्ये 14 सामने खेळणार आहे. त्यामध्ये पाच संघाविरोधात प्रत्येक संघाला दोन तर चार संघाविरोधात एक एक सामना खेळावा लागणार आहे.

पाहा ग्रुप – 

	ग्रुप अ
1	MI(5)	2	CSK(4)
3	KKR(2)	4	SRH(1)
5	RR(1)	6	RCB
7	DC	8	PBKS
9	LSG	10	GT

प्रत्येक संघ आपल्या ग्रुपमधील इतर चार संघाविरोधात प्रत्येकी दोन सामने खेळेल. तसेच दुसऱ्या ग्रुपमधील एका संघाबरोबर दोन सामने खेळणार आहे.  तर दुसऱ्या ग्रुपमधील इतर संघाबरोबर प्रत्येकी एक एक सामना खेळावा लागेल. उदा. ग्रुप अ मध्ये मुंबई  कोलकाता, राजस्थान, दिल्ली आणि लखनौ या संघाबरोबर प्रत्येकी दोन सामने खेळेल. तर ब ग्रुपमधील चेन्नई संघाबरोबर दोन सामने खेळणार आहे.  ब ग्रुपमधील इतर संघाविरोधात मुंबई प्रत्येकी एक सामना खेळणार आहे. याचप्रमाणे ग्रुप बी मध्ये आरसीबीचा संघ चेन्नई, हैदराबाद, पंजाब आणि गुजरात या संघाबरोबर प्रत्येकी दोन सामने खेळेल. तर ग्रुप अ मधील राजस्थान संघाविरोधात दोन सामने खेळेल अन् इतर संघाविरोधात प्रत्येकी एक एक सामना खेळणार आहे.

कोणत्या संघाचे कुणाबरोबर किती सामने?
संघ	MI	KKR	RR	DC	LSG	CSK	SRH	RCB	PBKS	GT	एकूण
↓प्रतिस्पर्धी| सत्र- >	2022	2022	2022	2022	2022	2022	2022	2022	2022	2022
MI	0	2	2	2	2	2	1	1	1	1	14
KKR	2	0	2	2	2	1	2	1	1	1	14
RR	2	2	0	2	2	1	1	2	1	1	14
DC	2	2	2	0	2	1	1	1	2	1	14
LSG	2	2	2	2	0	1	1	1	1	2	14
CSK	2	1	1	1	1	0	2	2	2	2	14
SRH	1	2	1	1	1	2	0	2	2	2	14
RCB	1	1	2	1	1	2	2	0	2	2	14
PBKS	1	1	1	2	1	2	2	2	0	2	14
GT	1	1	1	1	2	2	2	2	2	0	14
एकूण सामने / Team	14	14	14	14	14	14	14	14	14	14

हे देखील वाचा-

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह – ABP Majha