या पदभरती अंतर्गत एकूण ९० रिक्त पदे भरण्यात येणार आहेत. चार वर्षांचा अभ्यासक्रम यशस्वीरित्या पूर्ण केल्यावर, कॅडेट्सना लष्करात लेफ्टनंट पदावर कायमस्वरूपी भरती केले जाईल. अधिकृत वेबसाइटवर याचा सविस्तर तपशील देण्यात आला आहे.
या पदासाठी अर्ज करणाऱ्या उमेदवाराचे वय १६.५ वर्षांपेक्षा कमी नसावे आणि १९.५ वर्षांपेक्षा जास्त नसावे. म्हणजेच उमेदवाराचा जन्म २ जानेवारी २००४ पूर्वी झालेला नसावा आणि १ जानेवारी २००७ नंतरचा नसावा.
बारावी परीक्षा उत्तीर्ण किंवा मान्यताप्राप्त शिक्षण मंडळांकडून भौतिकशास्त्र, रसायनशास्त्र आणि गणितात किमान ६० टक्के गुणांसह उत्तीर्ण असणारे उमेदवार या भरतीसाठी अर्ज करण्यास पात्र आहेत. विविध राज्य/केंद्रीय मंडळांच्या पीसीएम टक्केवारीच्या गणनेसाठी पात्रता अट फक्त बारावीमध्ये मिळालेल्या गुणांच्या आधारे असेल. तसेच उमेदवार जेईई (मुख्य) २०२२ मध्ये उपस्थित असणे आवश्यक आहे.
Indian Army TES-49: अर्ज प्रक्रिया
उमेदवारांनी सर्वप्रथम अधिकृत वेबसाइट joinindianarmy.nic.in वर जा.
येथे होमपेजवर ‘अधिकारी प्रवेश अर्ज’ वर क्लिक करा.
वैयक्तिक आणि संपर्क तपशील वापरून नोंदणी करा.
त्यानंतर तुमचा अर्ज काळजीपूर्वक भरा.
अर्ज सबमिट करा आणि डाउनलोड केलेल्या प्रतीची प्रिंट आउट घ्या आणि भविष्यातील उपयोगासाठी सेव्ह करा.