‘मुलं पाहिजेत पण त्यांची आई नको’ सलमानच्या वक्तव्यानं वेधलं अनेकांचं लक्ष

Salman Khan: बॉलिवूडचा भाईजान अशी ओळख असणारा अभिनेता सलमान खानचा (Salman Khan) आज 57 वा वाढदिवस आहे. सलमानची बहिण अर्पिता खाननं काल (26 डिसेंबर) खास पार्टीचं आयोजन केलं होतं. या पार्टीला अनेक सेलिब्रिटींनी हजेरी लावली होती. सलमान हा त्याच्या वक्तव्यांमुळे चर्चेत असतो. सलमाननं एका मुलाखतीमध्ये त्याच्या वैयक्तिक आयुष्याबाबत सांगितलं होतं. ‘मला मुलं पाहिजेत, पण त्यांची आई नको’ असं त्या मुलाखतीमध्ये सलमाननं सांगितलं होतं. 

काय म्हणाला होता सलमान? 
2019 मध्ये मुंबई मिररला दिलेल्या मुलाखतीमध्ये सलमाननं सांगितलं, ‘मला लहान मुलं आवडतात. पण लहान मुलांसोबत त्यांची आई पण असते. मला मुलं पाहिजेत पण त्यांची आई नको. मुलांना सांभाळायला माझ्याकडे खूप लोक आहेत. कदाचित ही काही लोकांसाठी विन-विन सिच्युएशन असेल.’ 

सलमान हा भाचा अहिल आणि भाची आयत यांच्यासोबत अनेकदा स्पॉट झाला आहे . सलमाननं त्याच्या सोशल मीडिया अकाऊंटवर शेअर केलेल्या एका व्हिडीओमध्ये तो रेस-3 चित्रपटातील एका गाण्यावर लहान मुलांसोबत डान्स करता दिसला होता. 

‘या’ अभिनेत्रींसोबत जोडलं गेलं सलमान खानचं नाव

सलमानचं नाव अनेक अभिनेत्रींसोबत जोडलं गेलं. 1991 ते 1999 दरम्यान सलमान अभिनेत्री सोमी अलीला डेट करत होता, असं म्हटलं जात होतं. त्यानंतर संगीता बिजलानी, ऐश्वर्या राय आणि कतरिना कैफ यांच्यासोबत देखील सलमानचं नाव जोडण्यात आली. तसेच  सलमान आणि मॉडेल लूलिया वंतूर यांच्या नात्याची चर्चा सोशल मीडियावर होत असते. 

सलमान खानच्या बर्थ-डे सेलिब्रेशनला या सेलिब्रिटींनी लावली हजेरी

सलमान खानच्या बर्थ-डे पार्टिला शाहरुख खान, अरबाज खान, सोहेल खान, अर्पिता खान, आयुष शर्मा, अतुल अग्निहोत्री, तब्बू, संगीता बिजलानी, सोनाक्षी सिन्हा, सिद्धांत चतुर्वेदी, कार्तिक आर्यन, जिनिलिया देशमुख, रितेश देशमुख, पुलकित सम्राट, कृती खरबंदा, पूजा हेगडे अशी सिनेसृष्टीतील अनेक मंडळी उपस्थित होती. 

वाचा इतर महत्वाच्या बातम्या: 

Salman Khan: वाढदिवस सलमानचा पण चर्चा एक्स गर्लफ्रेंड संगीता बिजलानीची; व्हायरल फोटोमधील केमिस्ट्रीनं वेधलं अनेकांचं लक्ष