MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
यावर्षी दोन सत्रांमध्ये ही परीक्षा होणार आहे. यापैकी पहिल्या सत्रातील परीक्षा जानेवारीत घेण्याचे नियोजित आहे. या परीक्षेला प्रविष्ट होण्यासाठी अर्ज भरण्याची प्रक्रिया १५ डिसेंबरपासून सुरू झालेली आहे. विद्यार्थ्यांना १२ जानेवारीपर्यंत ऑनलाइन अर्ज भरून परीक्षेसाठी आवश्यक शुल्क ऑनलाइन पद्धतीने भरायचे आहे.
या सत्रानंतरही पुन्हा एकदा विद्यार्थ्यांना परीक्षा देण्याची संधी उपलब्ध होईल. दोन्ही परीक्षांतून उत्कृष्ट कामगिरीच्या आधारे जेईई अॅडव्हान्स्ड परीक्षेसाठी पात्रता निश्चित केली जाणार आहे.
तेरा भाषांमध्ये होणार परीक्षा
जेइेई मेन्स परीक्षेत पेपर एक हा अभियांत्रिकी संस्थांमध्ये प्रवेशासाठी घेतला जाणार आहे. जेईई मेन्स परीक्षा राष्ट्रीय पातळीवर होत असल्याने तेरा भाषांतून ही परीक्षा देण्याचा पर्याय विद्यार्थ्यांना उपलब्ध राहणार आहे. यामध्ये मराठी, हिंदी, इंग्रजीसह अन्य प्रादेशिक भाषांचा समावेश असेल. संगणकावर आधारित या परीक्षेसाठी विद्यार्थ्यांना त्यांच्या परीक्षेचा दिनांक व वेळ प्रवेशपत्राच्या माध्यमातून उपलब्ध करून दिली जाणार आहे.
अधिकृत वेबसाइटवर जाण्यासाठी येथे क्लिक करा
Success Story: पाचवेळा अपयशी पण खचला नाही; सहाव्या प्रयत्नात IES क्रॅक करुन गौरव आला देशात ४४ वा
पुणे विद्यापीठाच्या परीक्षांना सुरुवात
सावित्रीबाई फुले पुणे विद्यापीठाशी संलग्न असलेल्या वाणिज्य महाविद्यालयांमध्ये पदवी अभ्यासक्रमांच्या परीक्षांना गुरुवार (दि. ५) पासून प्रारंभ होणार असून, विद्यापीठाने यासंदर्भात सूचनापत्र जारी केले आहे. त्यानुसार महाविद्यालयीन कॅम्पसमध्ये परीक्षांची सज्जता करण्यात येत आहे. विद्यापीठाच्या सूचनापत्रानुसार १५ फेब्रुवारीपर्यंत प्रात्यक्षिक, तोंडी परीक्षा, सेमिनार, मिनी प्रोजेक्ट, प्रोजेक्ट व शोधप्रबंध सादरीकरणाच्या परीक्षा पार पडणार आहेत. बी. कॉम., बीबीए, बीबीएआयबी, बीबीएसीए व अन्य व्होकेशनल पदवी अभ्यासक्रमांच्या परीक्षा होणार आहेत. या परीक्षा महाविद्यालय स्तरावर घ्यावयाच्या असून, त्यासाठी अंतर्गत परीक्षक नियुक्त करायचे आहेत.
दहावी-बारावीच्या विद्यार्थ्यांसाठी महत्त्वाची बातमी, लेखी परीक्षांचे वेळापत्रक जाहीर
