राधिका मर्चंटने स्वतःची वेगळी ओळख निर्माण केली आहे आणि तिचे फॅशन स्टेटमेंट अत्यंत स्टायलिश आणि एलिगंट असते. प्रिमियरमध्ये पुन्हा एकदा एखाद्या बार्बी डॉलसारखी दिसणारी राधिका पुन्हा एकदा चर्चेचा विषय ठरली आहे. पाहा राधिकाचा लुक (फोटो सौजन्य – योगेन शाह)
राधिकाची रफल चिक साडी
राधिकाने ‘मेरा नूर है मशहूर’ या फिल्म प्रिमियरला हजेरी लावली आणि खऱ्या अर्थाने नूर या शब्दाला अर्थ दिला. रफल बॉर्डर्ससह ब्लश पिंक साडी आणि त्यावर गोल्ड आणि सिल्व्हर गोटा पट्टी एम्ब्रॉयडरी असा तिचा पारंपरिक साडीतील लुक होता. या साडीत एखाद्या बाहुलीइतकीच राधिका नाजूक दिसत होती.
राधिकाचा लुक
आयव्हरी रंगाचा शिमरींग टसल ब्लाऊज
या साडीसह राधिकाने ब्रॉड स्ट्रेप्स स्लीव्ह्ज असणारा आयव्हरी रंगाचा ब्लाऊज घातला होता. या ब्लाऊजमुळे साडीला वेगळाच लुक प्राप्त झाला होता. त्यावर शिमरींग बेडेड टसल एम्बेलिशमेंट्सचा टच देण्यात आला आहे. गुलाबी रंगाच्या रफल बॉर्डर आणि ब्लाऊजचे हे मॅचिंग अप्रतिम जमून आले आहे.
(वाचा – मौनी रॉयचा साडीतील रॉयल अंदाज, चाहत्यांची नजरच हटेना अदांनी केले घायाळ)
सिक्वेन वर्क स्वीटहार्ट नेकलेस
राधिकाने या साडीसह सिक्वेन वर्क असणारा स्वीटहार्ट नेकलेस परिधान केला आहे. ब्लाऊजला मॅचिंग असा ज्वेलरी सेट राधिकाने घातला असून संपूर्ण गळा भरेल असा हा लुक करण्यात आला आहे. हा चोकर नेकलेस आणि त्यावर फ्लोरल स्टेटमेंट इअररिंग्ज राधिकाच्या सौंदर्यात भर घालत आहेत.
(वाचा – आलियाच्या प्लंजिंग नेकलाईन ऑलिव्ह ग्रीन ड्रेसची किंमत ऐकाल, तर चाटच पडाल)
Hermès ची लक्झुरियस बॅग
स्लीक डायमंड ब्रेसलेट हातात घालून तिने साडीच्या रंगाचीच Hermès ची क्लासी केली बॅग कॅरी केली होती. ही बॅग अत्यंत स्टायलिश दिसत असून हाय हिल्स घालत राधिकाने लुक पूर्ण केला.
(वाचा – वीणा जगतापचा मराठमोळा साज, सौंदर्य पाहून हरखून जाल)
ग्लॉसी पिंक लिप शेड मेकअप
या संपूर्ण लुकसाठी मेकअप करताना राधिकाने विंग्ड आयलायनर, लॅशेससह हेव्ही मस्कारा, डार्कन आयब्रो, रफ चिक्स आणि ड्युई मेकअपचा आधार घेतला आहे. त्यासह तिने गालावर हायलायटर लावले आहे आणि ओठांसाठी परपेक्ट ग्लॉसी पिंक लिप शेडचा वापर केला आहे.
राधिकाच्या या लुकने संपूर्ण प्रिमियरमध्ये लक्ष वेधून घेतले होते. या प्रिमियरला अनेक सेलिब्रिटींनी हजेरी लावली मात्र खऱ्या अर्थाने नूर आणला तो राधिकाने.